rKTs

e-texts navigator

Volume

Page

207b₁ gyi dbyen byed par dga' ba gang yin pa de ni shi 'phos nas srin bya dag tu skye bar 'gyur ro/ /dmod mo'i tshig smra ba la mngon par dga' ba gang yin pa de ni shi 'phos nas wa dag tu skye bar 'gyur ro/ /gzhan dag skrag cing dngang bar
207b₂ mngon par dga' ba gang yin pa de ni shi 'phos nas ri dgas sha ba'i rigs su skye bar 'gyur ro/ /tshe snga ma la shing gi lham bgos nas dri gtsang khang du zhugs pa gang yin pa de ni tshe 'di la rta'i rigs su skye bar 'gyur ro/ /tshe
207b₃ snga ma la 'phyen gtong ba la mngon par dga' ba gang yin pa de ni srin bu mnam po'i rigs su skye bar 'gyur ro/ /tshe snga ma la dge 'dun gyi gtun dang rang thag yongs su spyod pa gang yin pa de ni tshe 'di la srog chags srin bu mgo
207b₄ rdebs pa dag tu skye bar 'gyur ro/ /tshe snga ma la gzhan dag gi zas kyi gegs byas na tshe 'di la shing srin byed par 'gyur ro/ /dge 'dun gyi chu brkus nas yongs su spyad pa gang yin pa de ni tshe 'di la nya dang chu srin dag tu skye bar
207b₅ 'gyur ro/ /dge 'dun gyi sa gzhi dag la mi gtsang ba 'dor ba gang yin pa de ni bshang gci'i nang du srin bu dag tu skye bar 'gyur ro/ /dge 'dun gyi shing tog brkus pa gang yin pa de ni 'jim rdzab za ba'i srin bu byed par 'gyur
207b₆ ro/ /dge 'dun gyi dkor brkus pa gang yin pa de ni rang thag 'dren pa'i glang dang bong bu byed par 'gyur ro/ /dge 'dun gyi dkor la nan gyis slong zhing snga skyin byed na phu ron dkar po byed par 'gyur ro/ /dge 'dun la 'phya
207b₇ zhing dmod par byed na glang gi gnya' ba'i srin bur skye bar 'gyur ro/ /dge 'dun gyi tshod ldum zos na tshod ma'i srin bur skye bar 'gyur ro/ /dge 'dun gyi khri stan la 'dug na sa'i srin bu mjug rings su skye bar 'gyur ro/ /
207b₈ dge 'dun gyi yo byad sna tshogs dag la yongs su spyod par byed na phye ma leb du skye bar 'gyur ro/ /rus pa dag thogs nas gtsug lag khang du 'jug par byed na bya mchu rings su skye bar 'gyur ro/ /dmar rtsi dang dkar rtsi

_{iiif viewer powered by OpenSeadragon}

207a - 208a

Texts on this page