rKTs

e-texts navigator

Volume

Page

326b₁ med par 'gyur/ shes rab kyi 'od thob par 'gyur/ dge ba dang mi dge ba'i don rnams bye brag phyed par 'gyur/ 'khor ba na 'khor yang mun pa dang myos par mi 'gyur/ spyod pa mang por 'gyur/ mtho ris su skye bar 'gyur/
326b₂ myur du mya ngan las 'das par 'gyur ro/ /yang dag par gshegs pa'i mchod rten la spos phul na legs pa bcu thob par 'gyur te/ bcu gang zhe na/ 'jig rten gyi nang na spos dang 'dra bar 'gyur/ sna'i dbang po rno bar 'gyur/
326b₃ lus dri zhim pa gtsang mar 'gyur/ rtag tu dri zhim par 'gyur/ gzugs bzang por 'gyur/ sems can dga' zhing 'du bar 'gyur/ 'jig rten gyi nang na rnyed par 'gyur/ dad pa'i chos rnams mang du 'grub par 'gyur/
326b₄ mtho ris su skye bar 'gyur/ myur du mya ngan las 'das par 'gyur ro/ /yang dag par gshegs pa'i mchod rten la rnga phul na legs pa bcu thob par 'gyur te/ bcu gang zhe na/ gzugs bzang por 'gyur/ skad
326b₅ snyan par 'gyur/ smras pa yid du 'ong bar 'gyur/ skyid pa dang ldan par 'gyur/ rtag tu dga' bar 'gyur/ tshig kun gyis nyan par 'gyur/ phyi phyir sgra skad snyan pa thob par 'gyur/ spyod pa mang por 'gyur/ mtho ris su
326b₆ skye bar 'gyur/ myur du mya ngan las 'das par 'gyur ro/ /yang dag par gshegs pa'i mchod rten brtsigs na legs pa bcu thob par 'gyur te/ bcu gang zhe na/ rigs chen por 'gyur/ gzugs dang mig bzang
326b₇ zhing sdug par 'gyur/ dbang che zhing 'khor mang la 'khor snying nye bar 'gyur/ spyod pa mang por 'gyur/ kun 'dum pa'i gnas su 'gyur/ tshigs su bcad pa dang / bstod cing bskyed pas phyogs bcur cher grags
326b₈ shing lha dang mi rnams kyis mchod par 'gyur/ phyi phyir nor mang zhing 'khor los sgyur ba'i rgyal por 'gyur/ byang chub sems dpa' rdo rje snying po'i lusu 'gyur/ myur du mya ngan las 'das par 'gyur ro/ /stan gyi

_{iiif viewer powered by OpenSeadragon}

326a - 327a

Texts on this page