rKTs

e-texts navigator

Volume

Page

324a₁ sems gnyis ka mi bde ba'o/ /ji ltar gang zag las 'di lta bu 'dus pas na ngan pa'i sar skyes la gzugs legs pa dang / bzang po dang / sdug gu dang / kha dog mdzes pa dang / mdog snum pa dang / mthong na dga' ba'i las
324a₂ gang zhe na/ chags pa g.yos te tshul khrims nyams pa dang ldan pa'i gang zag ni ngan pa'i sar skyes la gzugs legs pa dang / bzang po dang sdug gur 'gyur ro/ /ji ltar gang zag las 'di lta bu 'dus pas na ngan pa'i sar skyes la/
324a₃ gzugs ngan pa dang / lus rtsub pa dang / mi sdug pa dang / mthong na mi sdug par 'gyur ba'i las gang zhe na khro ba skyes shing khrims mi thub pa dang ldan pa'i gang zag 'di lta bu 'dus pas na ngan pa'i sar skyes la gzugs ngan pa dang /
324a₄ lus rtsub pa dang / mi sdug par snang ba dang / mthong na yid du mi 'ong bar 'gyur ro/ /ji ltar gang zag las 'di lta bu 'dus pas na ngan pa'i sar skyes la dri mi zhim pa dang / dbang po ma tshang ba dang / dbang po mi mthun par 'gyur ba'i
324a₅ las gang yin zhe na/ glen par skyes shing khrims mi thub pa dang ldan pa gang zag las 'di lta bu 'dus pas na ngan pa'i sar skyes la dri mi zhim pa dang / dbang po ma tshang ba dang / dbang po mi mthun par 'gyur ro/ /ji ltar mi dge ba
324a₆ bcu'i las byas pa'i rgyus phyi rol gyi yul sa rnams ngan du 'ong bar 'gyur ba yin zhe na/ srog gcod na de'i las kyis sa'i mdog nyams par 'ong ngo / /ma byin par blangs pa de'i las kyis ser ba dang / bye ba dang / byi ba dang / srin mang
324a₇ du 'ong bar 'gyur ro/ /mi tshangs par spyod pa byas pas de'i las kyis khug rna dang / rlung dang rdul dang rdul chen po 'ong ba'i sar skye'o/ /brdzun mang du byas pa'i las kyi 'bras bu ni khar mnam por 'gyur ba/ dbugs mi zhim par 'ong ngo / /
324a₈ phra ma mang du byas pa'i las kyi 'bras bu ni yul mtho dman can dang / lcang lcong can dang / mi gtsang ba dang / na rkong dang / rdo ba gram khrod can gyi yul du skye'o/ /kha 'khyal pa byas pa'i las kyi 'bras bu ni grog po mang ba/ rtsi shing dang /

_{iiif viewer powered by OpenSeadragon}

323b - 324b

Texts on this page