| e-texts navigator |
| བོད་ཡིག |
320b1 med par byed pa/ mya ngan bsrings pa la ngan du smra ba/ 'dod pas log par spyod du bcug pa dang bcu'o/ /ji ltar las kyis byol song du 'gyur zhe na/ chos bcus na byol song du 'gyur te/ bcu gang zhe na/ lus kyis ngan par
320b2 'bring du spyod pa/ ngag gis ngan pa 'bring du spyod pa/ yid kyis ngan pa 'bring du spyod pa/ 'dod pa sna tshogs kun g.yos pa'i las byas pa/ khro ba sna tshogs kun g.yos pa'i las byas pa/ glen pa sna tshogs kun g.yos
320b3 pa'i las byas pa/ mi rigs pa byin pa byol song du 'gyur ba rnams la khro ba/ byang chub sems dpa'i smon lam gyi mthus seng ger skyes pa/ bram ze chad par byed pa/ kha ngan par byas pa'i lan gyis spre'ur skyes pa
320b4 lta bu dang bcu'o/ /ji ltar las kyis ring du 'khyams pa'i 'jig rten du skye bar 'gyur zhe na/ chos bcus na ring du khyams pa'i 'jig rten du skyes bar 'gyur te/ lus kyis ngan pa chung ngu spyod pa/ ngag gis ngan pa chung ngu
320b5 spyod pa/ yid kyis ngan pa chung ngu spyod pa/ ngan pa la dad pa/ shin tu dad pa/ log pas 'tsho ba/ ser sna la dad cing mi gtong ba/ sbyin pa la gegs byed pa/ 'dod pa la chags pa bzhin du shi ba/ bru ba tsha zhing skom bzhin du shi ba dang
320b6 bcu'o/ /ji ltar las kyis a su ra'i 'jig rten par 'gyur zhe na/ chos bcus na a su ra'i 'jig rten du skye bar 'gyur te/ bcu gang zhe na/ thams cad la 'ang lus kyis ngan pa cung zad spyod pa/ thams cad la'ang ngag gis ngan pa
320b7 chung zad spyod pa/ thams cad la 'ang yid kyis ngan pa chung zad spyod pa/ ngar sems pa/ mi mtshungs pa'i nga / zla las lhag pa'i nga / gong ma las lhag pa'i nga / gong ma las kyang gong ma'i nga / bdag la mi srid pa'i nga / dge ba'i rtsa
320b8 ba bskyed pa la log par smon pa dang bcu ste/ chos 'di bcus na a su rar skye bar 'gyur ro/ /ji ltar las kyis mi'i 'jig rten du skye bar 'gyur zhe na/ chos bcus na mi'i 'jig rten du skye bar 'gyur te/ bcu gang zhe na/ dge ba
iiif viewer powered by OpenSeadragon
Texts on this page
J279 - las kyi rnam par 'gyur ba zhes bya ba'i chos kyi gzhung