| e-texts navigator |
| བོད་ཡིག |
318a1 yang yod/ gang zag lus mi bde la sems kyang mi bde bar 'gyur ba yang yod/ gang zag las 'di lta bu 'dus pas na sems can ngan pa'i sar skyes te/ gzugs ngan pa dang / bzang po dang / sdug gu dang / kha
318a2 dog mdzes pa dang / mdog snum pa dang / mthong na dga' ba'i las kyang yod/ gang zag yang las 'di lta bu 'dus pas na ngan pa'i sar yang skyes la gzugs ngan pa dang / lus rtsub pa dang / mi sdug par snang ba dang / mthong
318a3 na yid du mi 'ong ba'i las kyang yod de/ ma na ba yang 'di lta ste/ mi dge ba bcu'i las kyi lam byas pa'i rgyus phyi rol gyi yul sa'i don ngan du 'gyur ba yang yod do/ /de la ji ltar las kyis tshe thung bar 'gyur zhe na/
318a4 chos bcus na tshe thung bar 'gyur zhe na/ bcu gang zhe na/ srog gcod pa/ srog gcod du bcug pa/ srog gcod pa la stod pa/ srog gcod pa la smin pa/ mngal gnas med par byed pa/ mngal gnas med par byed du bcug pa
318a5 dgra bo la bsad par sems pa/ mi mdza' ba shi na dga' ba/ rten bcas shing sems can bsad pa/ thab mo la lta zhing dad pa dang bcu ste/ chos 'di bcus na tshe thung zhing nad mang bar 'gyur ro/ /ji ltar las bzang po byas pas tshe
318a6 ring por 'gyur zhe na/ chos rnam pa bcus na tshe ring por 'gyur te/ bcu gang zhe na/ srog gcod pa spangs pa/ srog gcod pa spong bar byed pa/ srog gcod pa spangs pa la stod pa/ srog gcod pa spangs pa la smon pa/ bsad par
318a7 chad pa'i sems can rnams gtong ba/ bsod par chad pa'i mi rnams gtong ba/ 'jigs shing skrag pa'i sems can rnams skyabs byas pa/ mgon med pa'i sems can rnams la snying rje bar sems pa/ na ba'i sems can rnams
318a8 la byams pas sdud pa/ brel zhing phongs pa'i sems can rnams la gos dang zas skom sbyin pa dang chos bcus na tshe ring zhing nad med par 'gyur ro/ /ji ltar las kyis nad mang po 'gyur zhe na/ chos bcus na nad mang por 'gyur te/ bcu
iiif viewer powered by OpenSeadragon
Texts on this page
J279 - las kyi rnam par 'gyur ba zhes bya ba'i chos kyi gzhung