| e-texts navigator |
| བོད་ཡིག |
317a1 bcom ldan 'das kyis bka' stsal pa/ ma na ba khyod nyon la dge bar shin du yid la zung shig dang / de'i phyir ngas bshad do/ /ma na ba sems can rnams ni tshe rabs kyi las las gyur te/ sbyin pa'i rnams kyang las/
317a2 skye ba'i rnams kyang las/ so sor rgyu ba yang las te/ ma na ba sems can rnams ni las kyis rnam par bsgyur ro/ /de bas na ngan pa dang / bar ma dang / bzang po'i phyir sems can rnam pa mang po yang las rnam pa mang po dang / mya ngan
317a3 rnam pa mang po dang / lta ba rnam pa mang por sbyar ba de 'di ltar nag po dang / dkar po las rnam par smin pa'i 'bras bu bshad do/ /ma na ba 'di lta ste/ las nag po rnams kyis ni sems can dmyal ba dang / byol song dang / yi
317a4 dgas dang / ring du 'khyams pa dang / a su ra la sogs pa ngan song du skye'o/ /las dkar po bgyis pa rnams kyis ni lha dang mir skye'o/ /ma na ba de lta bas na las kyi rnam par smin pas tshe thung ba yang yod/ las kyis tshe ring
317a5 por gyur pa yang yod/ las kyis nad mang por gyur pa yang yod/ las kyis nad nyung ngur 'gyur ba yang yod/ las kyis mi sdug par 'gyur ba yang yod/ las kyis bzang por 'gyur ba yang yod/ las kyis dbang chung ngur
317a6 'gyur ba yang yod/ las kyis dbang che bar 'gyur ba yang yod/ las kyis ma rabs kyi rigs su 'gyur ba yang yod/ las kyis ya rabs kyi rigs su 'gyur ba yang yod/ las kyis dbul por 'gyur ba yang yod
317a7 las kyis phyug por 'gyur ba yang yod/ las kyis ngan par 'gyur ba yang yod/ las kyis shes rab chen por 'gyur ba yang yod/ las kyis sems can dmyal bar 'gyur ba yang yod/ las kyis byol song gi skye
317a8 gnas su 'gyur ba yang yod/ las kyis ring du 'khyam par 'gyur ba yang yod/ las kyis a su rar skye bar 'gyur ba yang yod/ las kyis mir skye bar 'gyur ba yang yod/ las kyis gzugs yod pa'i lhar skye ba
iiif viewer powered by OpenSeadragon
Texts on this page
J279 - las kyi rnam par 'gyur ba zhes bya ba'i chos kyi gzhung