rKTs

e-texts navigator

Volume

Page

314a₁ mtho ris su skye bar 'gyur ba dang myur du yongs su mya ngan las 'da' ba ste/ bcwa brgyad po de dag ni de bzhin gshegs pa'i mchod rten byed pa'i phan yon no/ /khri stan byin pa'i phan yon bcu yod de/ bcu gang zhe na/
314a₂ 'jig rten gyi bla ma'i gnas su 'gyur ba dang bsngags par 'gyur ba dang skye bo mang po la grags pa dang brjod pa dang sgra dang tshigs su bcad pa mang po mngon du 'byung bar 'gyur ba dang bde ba dang yid bde ba mang bar 'gyur ba dang
314a₃ b zhon pa dang khri stan dang rim gro byed pa dang ldan par 'gyur ba dang 'jig rten pa rnams 'khor zhing 'du bar 'gyur ba dang longs spyod che bar 'gyur ba dang dbang che bar grags par 'gyur ba dang mtho ris su skye bar 'gyur ba dang myur
314a₄ du yongs su mya ngan las 'da' ba ste/ bcu po de dag ni khri stan byin pa'i phan yon no/ /lham byin pa'i phan yon bcu yod de/ bcu gang zhe na/ de bzhon pa rnams kyis brel bar mi 'gyur ba dang rkang pa legs par gnas par
314a₅ ' gyur ba dang lam du 'gro na stobs dang ldan par 'gyur ba dang de'i lus ngal bar mi 'gyur ba dang de 'gro na tsher ma dang gseg ma dang gyo mo rnams kyis rkang pa snad par mi 'gyur ba dang rdzu 'phrul thob par 'gyur ba dang de la rim
314a₆ gro byed pa dang ldan par 'gyur ba dang longs spyod che bar 'gyur ba dang myur du yongs su mya ngan las 'da' ba ste/ bcu po de dag ni lham byin pa'i phan yon no/ /snod spyad byin pa'i phan yon bcu yod de/ bcu gang zhe na/
314a₇ 'jig rten gyi yon tan gyi snod lta bur 'gyur ba dang mdog snum par 'gyur ba dang sems kyi rgyud mnyen par 'gyur ba dang skom par mi 'gyur ba dang skom na yang chu 'byung bar 'gyur ba dang yi dags su skye bar mi 'gyur
314a₈ ba dang lha dang mi rnams dga' bar 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni snod spyad byin pa'i phan yon no/ /kha zas sbyin pa'i

_{iiif viewer powered by OpenSeadragon}

313b - 314b

Texts on this page