| e-texts navigator |
| བོད་ཡིག |
309a1 zag gang 'dod chags las byung ba'i ngang tshul ngan pa dang ldan pa de ni ngan song rnams su skye ste/ dper na rma bya dang ne tso dang bya sha ri ka dang bya ka ran 'da' ba dang / ngur pa la sogs pa lta bu ste/ 'di ni gang zag las gang dang ldan na/ ngan song
309a2 rnams su skyes kyang gzugs bzang zhing mdzes la lus snum zhing mdog 'tsher ba mig tu sdug cing blta na dga' bar 'gyur ba'o/ /de la gang zag las gang dang ldan na/ ngan song du skyes la mdog mi bzang zhing lus rtsub pa blta
309a3 na mi sdug par 'gyur ba'i las yod de/ de gang zhe na/ gang zag de ni zhe sdang las byung ba'i ngang tshul ngan pa dang ldan pas ngan song rnams su skyes pa ste/ 'di lta ste seng ge dang stag dang bya rog dang wa dang dred mo dang sbrul nag po dang yi dags
309a4 dang sha za la sogs pa lta bu'o/ /'di ni gang zag las gang dang ldan na/ ngan song rnams su skyes nas mdog mi bzang zhing lus rtsub la blta na mi sdug pa'i las yin no/ /gang zag las gang dang ldan na/ ngan song rnams su skyes
309a5 nas lce'i dbang po dri nga bar 'gyur ba yod de/ de gang zhe na/ gang zag de ni gti mug las byung ba'i ngang tshul ngan pa dang ldan pas ngan song rnams su skyes pa ste/ 'di lta ste srog chags tshu tshun da ri dang srin bu dang sbrul dang shig dang / sbrang
309a6 ma dang mang kun la sogs pa dang / lus la srin bu'i rigs nyi shu yod pa lta bu ste/ 'di ni gang zag las gang dang ldan na/ ngan song rnams su skyes nas lce'i dbang po dri nga zhing dbang po mi gsal bar 'gyur ba'i las so/ /mi dge ba'i
309a7 las kyi lam bcu ste/ bcu gang zhe na/ lus kyi las rnam gsum dang / ngag gi las rnam bzhi dang / yid kyi las rnam gsum ste/ mi dge ba'i las kyi lam bcu po 'di dag gi rnam par smin pas phyi rol gyi dngos po bcu rgud par 'gyur
309a8 te/ srog gcod pa mi dge ba'i las kyi rnam par smin pas sa'i mdangs dang gzi byin nub par 'gyur ro/ /las de nyid kyi rnam par smin pas tshe thung bar 'gyur ro/ /ma byin par len pa mi dge ba'i las kyi rnam par smin pas/ sa gser
iiif viewer powered by OpenSeadragon
Texts on this page
J278 - las rnam par 'byed pa