rKTs

e-texts navigator

Volume

Page

301a₁ de'i mas smras pa/ bu nor lta zhig khyim na dpag tu med pa yod kyis ma 'gro shig ces smras pa dang / des ma'i ngag mnyan te/ mi 'gro bar byas nas de'i 'og tu bza' shing gi ra bar phyin pa dang / grogs po rnams
301a₂ kyis don de nyid la da dung yang gsol ba 'debs so zhes smras pa dang / des de ltar bya'o zhes nas de dag gi ngag mnyan te/ yang song nas ma la dris pa dang mas rkang pa nas bzung ste 'dug par gyur nas/ de ltar lan gsum
301a₃ byas pa'i 'og tu bza' shing gi ra ba der phyin pa dang / grogs po rnams kyis nges par mi 'dong du mi rung ngo zhes bsgo nas/ des yang ma la yul gzhan du 'gro'o zhes zhus pa dang / mas bdog pa thams cad bsogs nas
301a₄ rkang pa yan can nas bzung ste mi 'gro bar byas pa las/ dus gzhan zhig na khye'u de bza' shing gi ra ba der phyin pa dang grogs po dag gis smras pa/ khyod kyis nyes pas bdag cag kyang da dung ma dong ste da ni tshes bcu
301a₅ gsum la 'dong ngo zhes smras pa dang / des ma la ma byas par rgya rdzas thams cad phyir bton nas de lam du 'jug par byas pa dang / de'i mas sgo khar bsdad de rkang pa nas bzung ba dang bu ma 'gro shig ces byas pa dang /
301a₆ de khros nas ma'i mgo la 'goms te song nas rgya mtsho'i ngogs su phyin pa dang des grogs po rnams la bsgo ba/ rgya mtshor 'jug par ni bya na 'tsho 'am mi 'tshor yang gtol med kyis/ bdag cag kun kyis khrims brgyad
301a₇ mnod par bya'o zhes smras nas/ de dag gis kyang de'i ngag mnyan te khrims mnos so/ /de ltar de dag rgya mtshor zhugs te dong dong ba las dbus su phyin pa dang rlung chen po langs nas gru bub ste/ gzhan thams cad ni tshe
301a₈ 'phos/ byams pa mchod sbyin ni zangs kyi ral chen kha skya 'dar kyis bcad pa zhig la/ 'ju 'ju nas rgya mtsho 'thar phyin te 'phyan cing song song na/ grong khyer gser gyi ra ba can bza' shing gi ra ba dang ldan pa rdzing bu

_{iiif viewer powered by OpenSeadragon}

300b - 301b

Texts on this page