rKTs

e-texts navigator

Volume

Page

298a₁ med par lta ba dang ser sna che ba dang drin du mi gzo ba dang mtshams med pa'i las byed pa dang 'phags pa dang tshul khrims dang ldan pa rnams la skur pa 'debs pa ste/ las de lta bu ni sems can dmyal bar skye
298a₂ bar 'gyur ro/ /de la dud 'gro'i skye gnas su skye bar 'gyur ba'i las yod de/ de gang zhe na/ lus dang ngag dang yid kyis nyes pa 'bring du byas pa dang / 'dod chags las byung ba'i las sna tshogs dang / zhe sdang las byung
298a₃ ba'i las sna tshogs dang / gti mug las byung ba'i las sna tshogs dang / pha ma dang rab tu byung ba rnams la tshul dang mi 'dra ba'i sbyin pa byed pa dang / dud 'gro'i skye gnas su skyes pa'i sems can rnams la phyas byed
298a₄ pa dang de ltar smon pa ste/ dper na ba lang gi brtul zhugs can dang / bya'i brtul zhugs can la sogs pa de ltar skye bar shog cig ces smon pa rnams dang / byang chub sems dpa'i ched du brjod pa seng ge'i skyes
298a₅ pa'i rabs las byung ba dang / bram ze char 'bebs spre'ur skyes par gyur pa ste/ dper na bram ze char 'bebs kyis gnas brtan 'od srung chen po bya rgod 'phungs pa'i ri la/ rgyal po'i khab kyi steng nas nam
298a₆ mkha' la 'gro ba mthong nas/ lhas byin dang ma skyes dgra'i sten las zhe sdang ba'i sems su gyur te/ dge slong 'di ni ri las rir/ nam mkha' las nam mkhar/ spre'u shing las shing gi steng du 'dzeg pa dang 'dra
298a₇ bar 'gro'o zhes mi snyan pa'i tshig tu brjod pa de bcom ldan 'das la gsol to/ /bram ze char 'bebs pa 'dis khros pa'i sems kyis mi snyan pa de skad du brjod na/ btsun pa bcom ldan 'das de'i rnam par smin
298a₈ pa cir 'gyur zhes zhus pa dang / bcom ldan 'das kyis bka' stsal pa/ ngan du brjod pa de'i rnam par smin pas bram ze char 'bebs 'di/ tshe rabs lnga brgya'i bar du spre'ur 'gyur ro zhes bka' stsal pa dang / de mi dga'

_{iiif viewer powered by OpenSeadragon}

297b - 298b

Texts on this page