rKTs

e-texts navigator

Volume

Page

297b₁ rigs de dag de'i tshe longs spyod che bar 'gyur ba'i lam du zhugs pa yin no zhes gsungs pa lta bu ste/ las de lta bu ni longs spyod che bar 'gyur ba'o/ /de la shes rab chung bar 'gyur ba'i las yod de/ de gang zhe na/ de ni 'di la la la zhig dge sbyong
297b₂ ngam bram ze gzhan dag la chos ni gang yin/ bdag gis ci zhig byas na legs par 'gyur zhes mi 'dri'i/ shes rab 'chal pa la sten cing mkhas pa rnams spong ba dang dam pa'i chos ma yin pa yongs su ston cing chos smra ba rnams kyis
297b₃ legs par rjod par shes kyang 'jungs pa'i sems yod pas legs so zhes mi rjod cing / dam pa'i chos ma yin pa smra ba rnams la legs so zhes rjod cing log par lta ba'i bsngags pa rjod pa dang yang dag pa'i lta ba la nyes par smod
297b₄ pa dang glegs bam 'dri ba dang klog pa la ngan du rjod pa dang de dag gi 'tsho ba 'phrog pa ste/ las de lta bu ni shes rab chung bar 'gyur ba'o/ /de la shes rab che bar 'gyur ba'i las yod de de gang zhe na/ de ni 'di la yongs su 'dri phod pa'i
297b₅ ngang tshul can la la zhig gis dge sbyong dang bram ze mkhas pa la 'dri ba dang / shes rab 'chal pa yongs su spong ba dang / dam pa'i chos ston cing gsal bar byed pa dang / dam pa'i chos ma yin pa la rnam par smod pa dang / chos smra
297b₆ ba rnams la mi 'jigs pa nye bar sgrub pa dang / rigs pa la legs so zhes zer ba dang / mi rigs pa yongs su spong ba dang / yang dag par lta ba'i legs pa rjod pa dang / log par lta ba la nyes par dmod pa dang / glegs bam
297b₇ dang snag tsa dang smyug gu la sogs pa'i sbyin pa byed pa dang chang mi 'thung ba ste/ dper na dga' bo'i mdo las/ chang gi nyes pa sum bcu rtsa lnga gsungs pa dge ba'i phyogs su sbyar ba lta bu ste/ las de lta bu ni shes rab che
297b₈ bar 'gyur ba'o/ /de la sems can dmyal bar skye bar 'gyur ba'i las yod de de gang zhe na/ de ni shin du zhe sdang ba'i sems kyis lus dang ngag dang yid kyi nyes pa cher byas pa dang chad par lta ba dang rtag par lta ba dang

_{iiif viewer powered by OpenSeadragon}

297a - 298a

Texts on this page