rKTs

e-texts navigator

Volume

Page

297a₁ bcom ldan 'das kyis mdo las gsungs pa/ dge slong dag grong gang du rab tu byung ba tshul khrims dang ldan zhing tshangs par spyod pa/ dge ba'i chos can rnams 'ong ba'i grong der legs pa lnga 'byung bar rig
297a₂ par bya ste lnga gang zhe na/ de ni tshul khrims dang ldan pa 'ongs pa rnams la sems dad par 'gyur ro/ /dge slong dag gzhan yang de'i tshe/ rigs de mtho ris su skye ba'i lam du zhugs pa yin no/ /dge slong dag gzhan
297a₃ yang tshul khrims dang ldan pa dag 'ongs na gus par smra ba dang bsu ba'i las byed de/ de'i tshe rigs de dag rigs mtho bar 'gyur ba'i lam du zhugs pa yin no zhes gsungs pa lta bu ste/ las de lta bu ni rigs mtho bar
297a₄ 'gyur ba'o/ /de la longs spyod chung bar 'gyur ba'i las yod de de gang zhe na/ de ni ma byin par len pa dang ma byin par len par skul ba dang ma byin par len pa'i legs pa brjod pa dang de la rjes su dga' ba dang ma byin par blangs pas dga' ba
297a₅ pha ma'i 'tsho ba 'phrog pa dang 'phags pa dang tshul khrims dang ldan pa'i 'tsho ba 'phrog pa dang rab tu byung ba rnams dang byis pa dang rgan pa dang phongs pa dang nad pa rnams kyi 'tsho ba 'phrog pa dang gzhan gyis ma thob na dga' ba dang / gzhan gyis thob par 'gyur ba la bgegs byed pa dang lo nyes su dga' ba ste/
297a₆ las de lta bu ni longs spyod chung bar 'gyur ba'o/ /de la longs spyod che bar 'gyur ba'i las yod de de gang zhe na/ de ni ma byin par len pa spangs pa
297a₇ d ang gzhan gyis ma byin par len pa spangs na rjes su dga' ba dang pha ma la 'tsho ba 'bul ba dang 'phags pa dang tshul khrims dang ldan pa rnams la 'tsho ba 'bul ba dang nad pa dang byis pa dang rgan pa dang phongs pa gzhan la yang
297a₈ 'tsho ba'i sbyin pa byed pa dang gzhan gyis thob na dga' ba dang lo legs par dga' ba ste/ mdo de nyid las dge slong dag gzhan yang tshul khrims dang ldan pa rnams 'ongs pa dag la sbyin pa byed cing / bsod nams byed pa'i

_{iiif viewer powered by OpenSeadragon}

296b - 297b

Texts on this page