| e-texts navigator |
| བོད་ཡིག |
296a1 de'i yon tan rjod pa dang de la rjes su dga' ba dang pha ma na ba'i rim gro byed pa dang khyim pa dang rab tu byung ba dang rgan nam gzhon yang rung ste/ na na rim gro byed pa dang mi mdza' ba na yang mi dga' bar sems pa dang /
296a2 de'i nad sos na dga' bar sems pa dang sman gyi sbyin pa byed pa dang kha zas zhu nas stobs pa ste/ las de lta bu ni nad nyung bar 'gyur ro/ /de la kha dog mi sdug par 'gyur ba'i las yod de/ de gang zhe na/ de ni khro ba dang 'khon du
296a3 'dzin pa dang 'chab pa dang 'tshig pa dang pha ma la ngan du rjod pa dang khyim pa dang rab tu byung ba rgan gzhon la ngan du brjod pa dang / mchod rten dang gtsug lag khang dang mchod rten gyi sa gzhi mi sdug par byas pa dang mchod rten dang
296a4 sku gzugs kyi mar me bsad pa dang / sems can kha dog mi sdug pa rnams la phyas 'drogs pa dang gtsang sbra chung ba ste/ las de lta bu ni kha dog mi sdug par 'gyur ba'o/ /de la mdzes par 'gyur ba'i las yod de de gang
296a5 zhe na/ de ni mi khro ba dang 'khon du mi 'dzin pa dang mi 'chab pa dang mi 'tshig pa dang gos kyi sbyin pa byed pa dang mchod rten dang gtsugs lag khang dag la rdo thal gyis rkyang nul byed pa dang snod spyad sdug gu'i sbyin pa byed pa dang /
296a6 spos dang byug pa dang gos dang rgyan gyi sbyin pa byed pa dang / pha ma'i legs pa rjod pa dang 'phags pa dang tshul khrims dang ldan pa dag gi legs pa rjod pa dang mchod rten gyi gzhi dang gtsug lag khang dang khyim gyi phyag dar rtag
296a7 tu byed pa dang sems can mi sdug pa rnams la phyas mi byed pa dang / de bzhin du rgan pa 'am gzhon pa gzhan dag la phyas mi byed pa dang gtsang sbra che ba ste las de lta bu ni mdzes par 'gyur ba'o/ /de la mthu chung bar 'gyur
296a8 ba'i las yod de/ de gang zhe na/ de ni ser sna byed pa dang phrag dog che ba dang gzhan gyis thob na mi dga' ba dang gzhan la mi snyan par rjod na dga' ba dang pha ma la brnyas pa dang 'phags pa dang tshul khrims dang ldan pa la brnyas
iiif viewer powered by OpenSeadragon
Texts on this page
J278 - las rnam par 'byed pa