| e-texts navigator |
| བོད་ཡིག |
293b1 shes pa dang rig pa dang blo dang rtogs pa skyes so/ /dge slong dag nga sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa de ngas mngon par shes pas bsgoms so zhes tshul bzhin
293b2 yid la byed pa na mig skyes so/ /shes pa dang rig pa dang blo dang rtogs pa skyes so/ /dge slong dag nga ji srid tu 'phags pa'i bden pa bzhi po 'di rnams la de ltar lan gsum du bzlas te rnam pa bcu gnyis su bskor ba'i
293b3 mig ma skyes/ shes pa ma yin rig pa ma yin blo ma yin rtogs pa ma skyes pa de srid tu/ nga lha dang bcas pa'i 'jig rten bdud dang bcas tshangs pa dang bcas dge sbyong dang bram zer bcas pa'i skye dgu dang / lha dang mir bcas
293b4 pa 'di las grol ba dang nges par byung ba dang mi ldan pa dang / rab tu grol ba dang phyin ci log dang bral ba'i sems kyis mang du gnas par ma gyur cing / dge slong dag ngas bla na med pa yang dag par rdzogs pa'i byang chub mngon par
293b5 rdzogs par sangs rgyas so zhes bya bar ma shes so/ /dge slong dag ngas gang nas 'phags pa'i bden pa bzhi po 'di rnams la de ltar lan gsum du bzlas te/ rnam pa bcu gnyis su bskor ba'i mig skyes shing shes pa dang rig pa dang
293b6 blo dang rtogs pa skyes pa de nas nga lha dang bcas pa'i 'jig rten bdud dang bcas tshangs pa dang bcas dge sbyong dang bram zer bcas pa'i skye dgu dang / lha dang mir bcas pa 'di las grol ba dang nges par 'byung ba dang mi ldan pa dang / rab tu grol
293b7 ba dang phyin ci log dang bral ba'i sems kyis mang du gnas par gyur cing / dge slong dag ngas de nas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes so/ /chos kyi rnam grangs
293b8 de bka' stsal pa na/ tshe dang ldan pa kauN+Di n+ya dang / lha brgyad khri chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis tshe dang ldan pa kau N+Di n+ya la bka' stsal pa/ kau N+Di n+ya khyod kyis chos
iiif viewer powered by OpenSeadragon
Texts on this page
J277 - chos kyi 'khor lo'i mdo