rKTs

e-texts navigator

Volume

Page

289b₁ mkhar sil 'dzin pa de dag nga rgyal gyi las rab tu spong bar 'gyur ba'i phyir nga rgyal med par byed pa zhes bya'o/ /mkhar sil zhes bya ba ni rgyang bsrings pa yin te/ gang mkhar sil 'di 'dzin pa'i gang zag gang
289b₂ yin pa de dag 'dod pa lnga thag ring du byed pas de dag 'dod pas sred pa'i kun nas bkris pa spong ba dang / phung po lnga po rnams rnam par 'thor ba dang / srid pa lnga po dag yongs su spong ba dang / mya ngan las 'das
289b₃ pa la phyogs shing 'du byed kyi las kyang thag ring du spong ba'i phyir rgyang bsrings pa zhes bya'o/ /mkhar sil zhes bya ba ni len par byed pa yin te/ gang mkhar sil 'dzin par byed pa de dag sangs rgyas rnams
289b₄ kyi tshul khrims dang / ting nge 'dzin dang / shes rab rin po che blangs pas rnam par grol ba thob par 'gyur ba'i phyir len par byed pa zhes bya'o/ /mkhar sil zhes bya ba ni yongs su grub par 'gyur ba yin te/
289b₅ gang mkhar sil 'dzin pa dag sangs rgyas kyi chos kyi sde snod mngon par grub pa dang / ji ltar bsten pa bzhin du bsgrubs pas ma nyams par phun sum tshogs par 'gyur ba'i phyir mngon par 'grub par 'gyur ba
289b₆ zhes bya'o/ /bcom ldan 'das kyis bka' stsal pa/ 'od srung mkhar sil zhes bya ba'i yi ge'i don rgya che zhing mang bas yongs su rdzogs par rjod mi nus kyang khyed kyis re shig de bzhin du yongs su gzung bar
289b₇ bya'o/ /bcom ldan 'das la 'od srung gis 'di skad ces gsol to/ /bcom ldan 'das mkhar sil zhes bya ba'i don ni de lta bu lags na/ ci'i slad du ye shes kyi mkhar ba zhes bgyi ba nas dran pa nye bar
289b₈ gzhag pa'i don gyi spyod pa zhes bgyi ba'i bar gyi don gang lags pa bcom ldan 'das kyis bkas bshad du gsol/ bcom ldan 'das kyis bka' stsal pa/ mkhar sil zhes bya ba ni ye shes kyi spyod

_{iiif viewer powered by OpenSeadragon}

289a - 290a

Texts on this page