rKTs

e-texts navigator

Volume

Page

289a₁ rjes su dran pa rnam par gzhag pa'i don gyi spyod pa yin pas de'i phyir khyod kyis chos bzhin du bcang bar bya'o/ /de nas tshe dang ldan pa 'od srung chen po stan las langs te/ gos tshags bcos
289a₂ nas bla gos phrag pa gcig tu gzar te thal mo sbyar nas pus mo sa la btsugs te/ bcom ldan 'das la 'di skad ces gsol to/ /bcom ldan 'das ci'i slad du mkhar sil zhes bgyi/ ji ltar na bcang
289a₃ bar bgyi/ bcom ldan 'das kyis bshad du gsol/ bdag cag rnams kyis kyang bka' bzhin du spyod par 'tshal lo zhes gsol pa dang / bcom ldan 'das kyis 'od srungs la bka' stsal pa/ legs par nyon la
289a₄ yid la zung shig dang ngas bshad par bya'o/ /de la mkhar sil zhes bya ba ni yang ba yin te/ gang gis mkhar ba 'di la brten pa 'di dag nyon mongs pa bsal nas khams gsum las nges par 'byung ba'i phyir yang zhes
289a₅ bya'o/ /mkhar sil zhes bya ba ni snang bar byed pa yin te/ mkhar sil 'dzin pa'i gang zag gang yin pa de dag shes rab kyi snang ba thob par 'gyur ba'i phyir snang bar byed pa zhes bya'o/ /mkhar sil zhes bya ba ni phyir
289a₆ mi ldog par byed pa yin te/ mkhar sil 'dzin pa'i gang zag gang yin pa de dag srid pa gsum las nges par 'byung zhing yang mngon par zhen pa nyid du mi 'gyur ba'i phyir phyir mi ldog par byed pa zhes bya'o/ /
289a₇ mkhar sil zhes bya ba ni khong du chud par byed pa yin te/ gang mkhar sil 'dzin par byed pa yin zhe na sdug bsngal dang / stong pa dang / khams gsum gyi nyon mongs pa'i kun nas bkris par khong du chud pa dang /
289a₈ bden pa bzhi dang / rten cing 'brel par 'byung ba bcu gnyis po 'di dag gsal bar rtogs par 'gyur ba'i phyir khong du chud par byed pa zhes bya'o/ /mkhar sil zhes bya ba ni nga rgyal med par byed pa yin te/ gang

_{iiif viewer powered by OpenSeadragon}

288b - 289b

Texts on this page