| e-texts navigator |
| བོད་ཡིག |
276b1 yang dag lta ba yang dag 'dzin/ /skye bo de dag mtho ris 'gro/ /dge ba'i chos rnams 'di dag ni/ /dkar po chos kyi lam bcu ste/ /gang dag yang dag 'dzin 'gyur ba/ /skye bo de dag mtho ris 'gro/ /bram ze mya ngan
276b2 'das pa dang / /dgra dang 'jigs pa kun 'das shing / /'jig rten chags med rgal ba ni/ /mang po yod par ma mthong ngo / /bcom ldan 'das kyis de skad ces bka' stsal nas lha de yi rangs te/ bcom ldan 'das
276b3 kyis gsungs pa la mngon par bstod do/ /lha'i mdo nyung ngu rdzogs so// // zhu chen gyi lo ts+tsha ba ban de ye shes sdes bsgyur cing zhus te gtan la phab pa/ / @##/ /rgya gar skad du/ tsan+d+ra sU tra/
276b4 zla ba'i mdo/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das yul tsam pa can na 'gro ba po'i rdzing bu'i 'gram na bzhugs te/ de'i tshe lha ma yin gyi dbang po
276b5 sgra gcan gyis zla ba'i dkyil 'khor thams cad 'od kyis bkab par gyur to/ /de nas zla ba'i dkyil 'khor na gnas pa'i lha gang yin pa de skrag cing dngangs la mi dga' bar gyur nas bcom ldan 'das ga la ba der song
276b6 ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas lha des de'i tshe tshigs su bcad de gsol pa/ kun las rnam par rab grol ba'i/ /
276b7 sangs rgyas dpa' bo khyod phyag 'tshal/ /gnod pa dag dang phrad gyur pa/ /bdag gi skyabs ni mdzad par gsol/ /'jig rten dgra bcom bde gshegs la/ /zla ba skyabs su mchi lags kyis/ /sangs rgyas 'jig
276b8 rten thugs brtse rnams/ /zla ba thar mdzod sgra gcan las/ /bcom ldan 'das kyis bka' stsal pa/ /sgra gcan zla ba mun sel ba/ /nam mkha' dag la 'od byed cing / /lam mer 'dug la dkar ba dang /
iiif viewer powered by OpenSeadragon
Texts on this page
J270 - lha'i mdo nyung ngu
J271 - zla ba'i mdo