| e-texts navigator |
| བོད་ཡིག |
275a1 gnod pa bgyid pa'i nad gang lags/ /sman pa'i mchog gcig de gang lags/ /bcom ldan 'das kyis bka' stsal pa/ 'dod pa sdug kyang mi phan pa/ /thar pa phan la mi sdug pa/ /'dod chags gnod
275a2 pa med pa'i nad/ /sman pa'i mchog gcig sangs rgyas yin/ /lhas gsol pa/ gang gis 'jig rten 'di bsgribs lags/ /gang gis 'jig rten dbang du bgyis/ /gang gis mdza' bshes 'byed par bgyid/ /
275a3 gang gis mtho ris mchi mi 'gyur/ bcom ldan 'das kyis bka' stsal pa/ mi shes pas ni 'jig rten bsgribs/ /gti mug gis ni dbang du byas/ /zhen pas mdza' bshes 'byed par byed/ /chags pas
275a4 mtho ris 'gro mi 'gyur/ /lhas gsol pa/ gang gis mdza' bshes 'phel bar 'gyur/ /gang gis dgra rnams zhi bar bgyid/ /gang gis mtho ris 'thob par bgyid/ /gang gis thar par 'gro bar 'gyur/ /
275a5 bcom ldan 'das kyis bka' stsal pa/ gtong bas mdza' bshes 'phel bar 'gyur/ /byams pas dgra rnams zhi bar byed/ /tshul khrims kyis ni mtho ris thob/ /shes pas thar par 'gro bar 'gyur/ /
275a6 lhas gsol pa/ rgyal po dang ni chom rkun gyis/ /shin du bsgrim pa bgyis gyur na/ /skyes pa 'am bud med gang gi 'ang rung / /dbrog par mi tshugs ci zhig lags/ /bcom ldan 'das kyis bka' stsal pa/
275a7 rgyal po dang ni chom rkun gyis/ /shin du bsgrim pa byas gyur kyang / /skyes pa 'am bud med gang gi 'ang rung / /dbrog par mi tshugs tshul khrims so/ /lhas gsol pa/ 'jig rten 'di ni gang gis 'ching / /
275a8 gang gis 'jig rten rnam par grol/ /gang zhig rnam par spangs pas na/ /mya ngan 'das shes bgyi bar bgyi/ /bcom ldan 'das kyis bka' stsal pa/ 'dod pas 'jig rten 'ching bar byed/ /'dod pa
iiif viewer powered by OpenSeadragon
Texts on this page
J269 - lha'i mdo