| e-texts navigator |
| བོད་ཡིག |
273a1 byad yin no/ /'khor ba'i 'ching bas bcings pa rnams 'grol bar byed pa yin te/ dga' bo de ni rab tu byung ba zhes bya'o/ /lha dang mi rnams kyis bkur sti byas pa yin no/ /mi'i dbang po rnams
273a2 kyis mchod pa yin no/ /sangs rgyas thams cad kyis dgongs pa yin no/ /khyim gyi gnas yongs su gtong ba yin no/ /mya ngan las 'das pa'i lam 'dren pa yin no/ /skra'i khur 'dreg pa yin no/ /gos ngur
273a3 smrig ni 'dod chags dang bral ba'i rtags yin no/ /rigs pa la brtson pa brtson 'grus kyi zhing yin no/ /'di ni drang srong rnams kyi rgyal mtshan yin no/ /bdud sdig to can rnams kyi grags pa 'joms pa yin no/ /
273a4 lha dang mi rnams rab tu dga' bar byed pa yin te/ dga' bo rab tu byung ba ni de lta bu yin na ci'i phyir rab tu mi 'byung / dga' bo rab tu byung ba ni 'khor los sgyur ba'i rgyal srid kyi bde ba bas kyang ches khyad par du 'phags par bde
273a5 ba yin na dga' bo gzhan yang dal ba thob pa ni bskal pa bye ba brgyar yang shin du rnyed par dka' ba yin te/ sangs rgyas 'byung ba ni de bas kyang ches rnyed par dka' ba yin no/ /dga' bo thar par 'dod pa rgyal po'i drang
273a6 srong rnams dang / gzhan yang 'khor los sgyur ba'i rgyal po rin po che sna bdun dang ldan pa rnams kyang btsun mo'i 'khor dang bcas te/ sa bor nas rab tu byung ngo / /de bzhin du khyim bdag dang / bram ze'i tshogs
273a7 gzhan rnams kyang khyim rnams bor nas rab tu byung ngo / /de nas bcom ldan 'das la rigs kyi bu dga' bos 'di skad ces gsol to/ /btsun pa bdag ni khyim par mchis la sbyin pa dag stsal/ bsod nams dag
273a8 bgyi zhing / bcom ldan 'das nyan thos kyi dge 'dun dang bcas pa la yang bsnyen bkur bgyi zhing / chos gos dang / bsod snyoms dang / gzims cha dang / snyun gyi gsos sman dang / yo byad rnams kyang bsgrub par
iiif viewer powered by OpenSeadragon
Texts on this page
J268 - dga' bo rab tu byung ba'i mdo