| e-texts navigator |
| བོད་ཡིག |
271b1 bzhin 'brang ba'i dge sbyong tshe dang ldan pa kun dga' bo dang / ser skya'i gnas su bsod snyoms la gshegs so/ /de nas bcom ldan 'das rigs kyi bu dga' bo'i khyim ga la ba der gshegs pa dang / rigs kyi bu dga'
271b2 bos bcom ldan 'das rgyang ring po nas gshegs pa mthong ngo / /mthong nas kyang rings pa rings par bcom ldan 'das kyi ched du gdan bshams nas 'di skad ces gsol to/ /bcom ldan 'das tshur gshegs/ bcom
271b3 ldan 'das gshegs pa legs so/ /bcom ldan 'das gdan bshams pa la bzhugs su gsol/ bcom ldan 'das bzhugs so/ /de nas rigs kyi bu dga' bos bcom ldan 'das kyi zhabs gnyis la phyag
271b4 'tshal te/ bcom ldan 'das kyi spyan sngar 'dug go/ /de nas bcom ldan 'das kyis rigs kyi bu dga' bo la 'di skad ces bka' stsal to/ /dga' bo ci'i phyir rab tu mi 'byung / dga' bos gsol pa/ bcom
271b5 ldan 'das rab tu 'byung ba zhes bya ba'i tshig gi don ci lags/ bcom ldan 'das kyis bka' stsal pa/ sdig pa thams cad yongs su spong ba yin no/ /'dod chags dang / zhe sdang dang / gti mug rab tu sel ba
271b6 yin no/ /'thab pa dang / thab mo dang / 'tshang 'dru ba dang / rtsod pa dang / 'gyed pa dang / sgyu dang / g.yo'i mun pas bsdus pa'i dri ma thams cad 'khru ba yin no/ /lo tog thams cad kyi sa gzhi lta bur yon tan thams
271b7 cad kyi gzhi yin no/ /rin po che thams cad kyi 'byung gnas yin no/ /bde ba thams cad kyi yid bzhin gyi nor bu yin no/ /yon tan thams cad kyi go 'phang gi gnas yin no/ /sems can thams cad dbugs
271b8 'byin pa yin no/ /'byung po thams cad kyi yid brtan pa yin no/ /srog chags thams cad la mi 'jigs pa sbyin no/ /sems can dbul po thams cad kyi bum pa yin no/ /skyabs med pa rnams kyi dpung
iiif viewer powered by OpenSeadragon
Texts on this page
J268 - dga' bo rab tu byung ba'i mdo