rKTs

e-texts navigator

Volume

Page

207b₁ yid la byed pa na mchog tu dga' ba skyed pa 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi sdug bsngal gyi chos mang po sel ba'o zhes mchog tu dga' ba skye ba 'di ni dad pa can
207b₂ gyi mchog tu dga' ba'i dngos po yin no/ /bcom ldan 'das de bdag gi bde ba'i chos mang po sgrub pa'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ /bcom ldan 'das de
207b₃ bdag gi sdig pa mi dge ba'i chos rnam pa du ma sel ba'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi dge ba'i chos rnam pa du ma sgrub pa'o zhes
207b₄ mchog tu dga' ba skye ba 'di ni dad pa can gyi mchog tu dga' ba'i dngos po yin no/ /tshe dang ldan pa dag 'phags pa nyan thos chos bzhi la brten na chos lnga bsgom pa yongs su rdzogs par 'gyur te/ 'dun pa dang
207b₅ brtson 'grus dang dben pa dang phyir mi zlog pa'o/ /chos lnga po gang dag bsgom pa yongs su rdzogs par 'gyur zhe na/ mchog tu dga' ba dang dga' ba dang shin du sbyangs pa dang bde ba dang ting nge 'dzin to/ /tshe dang ldan pa
207b₆ dag de chos lnga po de dag kun du bsags shing nye bar bsags na zug rngu brgyad med par 'gyur te/ 'di lta ste/ 'dod chags kyi zug rngu dang zhe sdang gi zug rngu dang gti mug gi zug rngu dang nga rgyal gyi zug rngu dang sred pa'i zug
207b₇ rngu dang lta ba'i zug rngu dang the tshom dang som nyi'i zug rngu'o/ /zug rngu brgyad po de dag med par gyur na mi slob pa'i chos bcu thob par 'gyur te/ mi slob pa'i yang dag pa'i lta ba dang yang dag pa'i rtog pa dang yang dag pa'i
207b₈ ngag dang yang dag pa'i las kyi mtha' dang yang dag pa'i 'tsho ba dang yang dag pa'i rtsol ba dang / yang dag pa'i dran pa dang yang dag pa'i ting nge 'dzin dang yang dag pa'i rnam par grol ba dang yang dag pa'i ye shes so/ /mi

_{iiif viewer powered by OpenSeadragon}

207a - 208a

Texts on this page