rKTs

e-texts navigator

Volume

Page

206a₁ bur gyur pas nyin mtshan 'da'/ ci ga 'du byed thams cad zhi ba/ stong pa nyid du dmigs pa/ sred pa zad pa/ 'dod chags dang bral ba'i mya ngan las 'das pa la bdag gi sems rab tu 'jug pa dang / dang ba dang yang dag par
206a₂ gnas pa dang rnam par grol bar gyur tam/ ci ga phung po mi rtag pa nyid dang phung po gso ba nyid dang phung po snying po med pa nyid la bdag gi sems rab tu 'jug pa dang / dang ba dang yang dag par gnas pa dang / rnam par grol bar gyur
206a₃ tam/ ci ga bdag 'chi ba'i tshe tshangs pa mtshungs par spyod pa mkhas pa rnams kyis bdag la dris na yul yul po ma yin zhing bag tsha ba med pa dang / 'jigs pa med par yang dag par lung ston par lung bstan par bya ba gang yin
206a₄ pa dge slong gi 'bras bu bzhi las 'bras bu gang yang rung ba zhig 'thob bam/ bdag ni skye ba'i chos can te/ skye ba'i chos nyid las ma 'das pa/ rga ba'i chos can na ba'i chos can 'chi ba'i chos can te/ bdag ni 'dod pa dang
206a₅ sdug pa dang phangs pa dang yid du 'ong ba thams cad dang 'bye ba dang / med pa dang bral ba dang mi ldan par 'gyur ba'o/ /bdag ni las bdag gir bya ba/ las kyi skye gnas dang las kyi bgo skal la spyod pa las brtan par bya ba
206a₆ ste/ las dge ba 'am/ mi dge ba gang dang gang byed pa las de dang de nyid kyi skal ba can du 'gyur ro snyam du gnas 'di rab tu byung bas yang dang yang du so sor brtag par bya'o/ /gnas nyi shu rtsa gnyis po 'di dag la yang dang yang du so
206a₇ sor rtog pa de'i dge sbyong gi 'du shes yongs su rdzogs par 'gyur ro/ /dge sbyong gi 'du shes yongs su rdzogs na 'du shes bdun yongs su rdzogs par 'gyur te/ rtag par rgyun du byed pa dang rgyun du 'jug pa dang brnab
206a₈ sems dang gnod sems med pa dang yang dag pa'i dran pa dang / nga rgyal med pa dang 'tsho ba'i yo byad rnams de'i ched dang ting nge 'dzin la dbang thob pa yongs su rdzogs pa'o/ /tshe dang ldan pa dag sems dang yid dang rnam

_{iiif viewer powered by OpenSeadragon}

205b - 206b

Texts on this page