rKTs

e-texts navigator

Volume

Page

205b₁ 'phags pa nyan thos de ltar yang dag par tshul bzhin yid la byed pa'i bdag nyid kyi gces spras byed pa'i chos nyi shu ste/ 'di lta ste/ brtson pa dang brtson pa dang 'grogs pa dang yongs su 'dri ba dang 'thun pa'i lung dang lug
205b₂ l tar lkug pa ma yin pa nyid dang sred pa can ma yin pa nyid dang bya ba mi mang ba nyid dang las kyi mtha' legs par byas pa nyid dang brtson pa ma btang ba nyid dang bar du gcod pa rnams thos na nyam mi nga ba dang ma khengs pa dang
205b₃ 'thun par 'dzin pa nyid dang / dran pa nye bar gzhag pa nyid dang bag yod pa dang yul du gnas pa dang dbang po rnams kyi sgo bsrungs pa nyid dang zas kyi tshod rig pa nyid dang / nam gyi cha stod dang nam gyi cha smad la mi nyal bar sbyor
205b₄ ba'i rjes su brtson pa nyid dang dben pa la mngon par dga' ba dang ji lta ba bzhin la so sor rtog pa'o/ /tshe dang ldan pa dag gnas nyi shu rtsa gnyis po 'di dag ni rab tu byung bas yang dang yang du so sor brtag par bya ba ste/ bdag
205b₅ ni khyim pa'i rtags spangs pa ste mi sdug pa'o zhes gnas 'di rab tu byung bas yang dang yang du so sor brtag par bya'o/ /bdag ni mi 'dra ba khas blangs pa ste/ bdag gi cha byad dang bya ba gzhan yin no/ /bdag gi 'tsho ba ni gzhan la rag las pa ste/ ji srid 'tsho'i
205b₆ bar du bdag gi 'di lta ste/ chos gos dang bsod snyoms dang mal stan dang na ba'i gsos sman dang yo byad pha rol las btsal dgos pa'o/ /bdag ni ji srid 'tsho'i bar du mi rnams kyi 'dod pa dag las ldog pa byas pa'o/ /
205b₇ bdag ni ji srid 'tsho'i bar du mi rnams kyi rtsed mo'i dga' ba dag las ldog pa byas pa'o/ /ci ga bdag gis bdag tshul khrims dag gis ma smad dam/ ci ga bdag la tshangs pa mtshungs par spyod pa mkhas pa rnams kyis
205b₈ chos nyid kyis ma smad dam/ ci ga bdag nyid ma smas pa dang ma nyams par spong ngam/ ci ga yul 'khor gyi bsod snyoms don yod par za 'am/ ci ga gcig pu kun dga' ra ba stong par mngon par dga' 'am/ bdag ji lta

_{iiif viewer powered by OpenSeadragon}

205a - 206a

Texts on this page