rKTs

e-texts navigator

Volume

Page

205a₁ du byas na 'jig rten gyi sna tshogs dag la 'dun pa dang / 'dod chags kyi rjes su chags pa spong bar 'gyur ro/ /snang ba'i 'du shes kun du bsten bsgoms lan mang du byas na ye shes mthong bar 'gyur ro/ /'dod
205a₂ chags dang bral ba'i 'du shes kun du bsten bsgoms lan mang du byas na kun du 'dod chags spong bar 'gyur ro/ /'gog pa'i 'du shes kun du bsten bsgoms lan mang du byas na phung po zad par 'gyur ro/ /'chi
205a₃ ba'i 'du shes kun du bsten bsgoms lan mang du byas na gson pa la 'chums pa spong bar 'gyur ro/ /tshe dang ldan pa dag 'phags pa nyan thos de ltar yang dag par tshul bzhin byed pa'i bdag nyid la bar du gcod
205a₄ pa'i chos nyi shu ste/ 'di lta ste/ mi brtson pa dang mi brtson pa dang 'grogs pa dang / yongs su mi 'dri ba dang mi mthun pa'i lung dang lug ltar lkug pa nyid dang sred pa can nyid dang bya ba mang ba nyid dang las kyi mtha' nyes par byas pa nyid dang / brtson
205a₅ pa btang ba nyid dang bar du gcod pa rnams thos na nyam nga ba dang / khengs pa dang mi mthun par 'dzin pa nyid dang brjed ngas pa nyid dang bag med pa dang yul du mi gnas pa dang dbang po rnams kyi sgo ma bsrungs pa nyid dang
205a₆ zas kyi tshod mi rig pa nyid dang / nam gyi cha stod dang nam gyi cha smad la mi nyal bar sbyor ba'i rjes su mi brtson pa nyid dang dben pa la mngon par mi dga' ba dang ji lta ba bzhin la so sor mi rtog pa'o/ /tshe dang ldan pa dag bar
205a₇ du gcod pa ma bcom pa de dag yang dag par 'joms par 'gyur ba'i gces spras byed pa'i chos ni bcu gcig ste/ 'di lta ste/ 'dun pa 'thob pa dang phan yon mthong ba nyid dang mngon par spro ba nyid dang / rnam par 'gyed
205a₈ pa dang rgyal ba dang chos rnams kyi mtshan ma'i rjes su 'brang ba dang bdag la mi brnyas pa dang gus par nyan pa dang yongs su 'dri ba dang dben pa la mngon par dga' ba dang ji lta ba bzhin la so sor rtog pa'o/ /tshe dang ldan pa dag

_{iiif viewer powered by OpenSeadragon}

204b - 205b

Texts on this page