| e-texts navigator |
| བོད་ཡིག |
203b1 thams cad zhi ba dang / stong pa nyid du dmigs pa dang sred pa zad pa dang 'dod chags dang bral ba dang 'gog pa dang mya ngan las 'das pa la sems rab tu 'jug cing dang ba dang / yang dag par gnas pa dang rnam par grol bar
203b2 'gyur ro/ /mya ngan las 'das pa gtsor bya ba la phung po mi rtag pa nyid dang phung po gsog nyid dang phung po gsob nyid dang phung po snying po med pa nyid dang / phung po 'jig pa nyid la sems rab tu 'jug cing dang ba dang yang dag par
203b3 gnas pa dang rnam par grol bar 'gyur ro/ /mya ngan las 'das pa gtsor bya ba la 'phags pa'i bden pa bzhi shes par bya ba la mig rnam par dag par 'gyur ro/ /mya ngan las 'das pa gtsor bya ba la rnam par grol ba yongs
203b4 su rdzogs par 'gyur ro/ /tshe dang ldan pa dag 'phags pa nyan thos de ltar chos yang dag par nyan na sgrogs pa la yang mtho mi 'tsham/ chos kyi gtam gyi ro yang myong bar 'gyur/ ston pa la yang chos nyid kyis rim gro byed/ bdag
203b5 gi don yang rjes su 'thob/ mya ngan las 'das pa yang 'thob par 'gyur ro/ /chos 'di dag ni de'i shes rab yongs su smin par 'gyur ba ste/ 'di lta ste/ dge ba'i bshes gnyen la sten pa dang dge ba'i ngang tshul can nyid dang /
203b6 sems shes rab can nyid dang gus par nyan pa dang yongs su 'dri ba dang dam pa'i chos nyan pa dang dam pa'i chos rtag tu byed pa dang skyo bar bya ba'i chos rnams la skyo ba dang / de bzhin du kun du skyo ba la yod tshul bzhin du yid la byed pa dang
203b7 mi dge ba'i chos thams cad spong bas dge ba'i chos rnams la tshul bzhin du rab tu 'jog pa dang de rnam par byang ba dang ting nge 'dzin la dbang thob cing tshul bzhin du yang yid la byed pa'o/ /tshe dang ldan pa dag 'phags pa nyan thos de
203b8 ltar yang dag par tshul bzhin yid la byas pa'i bdag nyid kyis 'du shes bcu po 'di lta ste/ mi sdug pa'i 'du shes dang mi rtag pa'i 'du shes dang mi rtag pa la sdug bsngal ba'i 'du shes dang sdug bsngal la bdag med pa'i 'du
iiif viewer powered by OpenSeadragon
Texts on this page
J258 - 'phags pa don rgyas pa zhes bya ba'i chos kyi rnam grangs