rKTs

e-texts navigator

Volume

Page

203a₁ la rnam pa nyi shus gtam bya ste/ 'di lta ste/ dus su dang gus pa dang 'tsham pa mtshams 'byor pa dang rjes su 'bral pa dang ri mo dang 'dod pa dang mgu ba dang spro ba dang mi smod pa dang rigs pa dang 'brel pa dang ma 'chol
203a₂ ba dang ji lta ba bzhin gyi sems dang phan pa dang phan pa'i sems dang snying brtse ba'i sems dang rnyed pa dang bkur sti dang tshigs su bcad pa la mi brten par bya'o/ /gtam de dag smra ba na bdag la bstod par mi bya/ gzhan la
203a₃ smod par mi bya bar gtam bya'o/ /tshe dang ldan pa dag chos nyan par 'dod pas rnam pa bcu drug gis mnyan par bya ste/ 'di lta ste/ dus su chos mnyan par bya ba dang / bkur stir bya ba dang / gus par nyan pa dang / ma rangs
203a₄ pa med pa dang / bsgo ba bzhin nyan pa dang / klan ka mi tshol ba dang / chos la gus par bya ba dang / chos smra ba'i gang zag la gus par bya ba dang / chos la mi brnyas pa dang / chos smra ba'i gang zag la mi brnyas pa dang / bdag
203a₅ la mi brnyas pa dang / rtse gcig pa'i sems dang / kun shes par bya ba'i sems dang / rna ba blags te mnyan pa dang / sems bsdus te sems thams cad kyis bsams te chos la mnyan par bya'o/ /de de ltar chos yang dag
203a₆ par nyan pa na mya ngan las 'das pa gtsor bya ba la dad cing sems dang ba skye bar 'gyur ro/ /mya ngan las 'das pa gtsor bya ba sems mchog tu dga' ba dang / yi rangs pa skye bar 'gyur ro/ /mya ngan las 'das pa gtsor bya ba
203a₇ la zang zing med par dga' bar skye bar 'gyur ro/ /mya ngan las 'das pa gtsor bya ba la nye ba'i nyon mongs pa rnams spong zhing sems mnyam par 'jog pa dang / som nyi rnams sel ba dang lta ba drang por byed par 'gyur ro/ /
203a₈ mya ngan las 'das pa gtsor bya ba la sems rnal 'byor du 'gyur ba dang rtun pa dang rjes su brtson pa dang spong ba dang nang du yang dag 'jog dang don gyi mchog par 'gyur ro/ /mya ngan las 'das pa gtsor bya ba la 'du byed

_{iiif viewer powered by OpenSeadragon}

202b - 203b

Texts on this page