e-texts navigator
Collection
Volume
Page
བོད་ཡིག

184b1 de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /pha ma'i mdo rdzogs so// // @#/ /rgya gar skad du/ Ar+ya tsa tu sa t+ya sU tra/ bod skad du/ 'phags pa
184b2 bden pa bzhi'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das dmar bu can gyi grong khyer dang rgyal po'i khab kyi bar gyi dbus na rgyal
184b3 po'i gnas 'od ma'i dbyug pa can na nub mo nye bar rten cing dge slong gi dge 'dun chen po dang thabs gcig tu bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga dang khyed cag kho
184b4 nas 'phags pa'i bden pa bzhi po de dag ma shes ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ /bzhi po de gang zhe na/ nga dang khyed cag kho nas sdug bsngal 'phags pa'i
184b5 bden pa ma shes ma mthong / khong du ma chud so sor ma rtogs pas lam ring po 'dir rgyug cing 'khor bar gyur to/ /nga dang khyed cag kho nas sdug bsngal kun 'byung 'phags pa'i bden pa ma shes ma mthong / khong du ma chud/
184b6 so sor ma rtogs pas lam ring po 'dir rgyug cing 'khor bar gyur to/ /nga dang khyed cag kho nas sdug bsngal 'gog pa 'phags pa'i bden pa ma shes ma mthong / khong du ma chud/ so sor ma rtogs pas lam ring po 'dir rgyug cing 'khor
184b7 bar gyur to/ /nga dang khyed cag kho nas sdug bsngal 'gog par 'gro ba'i lam 'phags pa'i bden pa ma shes ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ /dge slong
184b8 dag ngas sdug bsngal 'phags pa'i bden pa rjes su rtogs shing so sor rtogs te srid pa'i sred pa bcad pas 'khor ba'i skye ba zad de da ni srid pa gzhan med do/ /ngas sdug bsngal kun 'byung 'phags pa'i bden pa



iiif viewer powered by OpenSeadragon

184a - 185a

Texts on this page

J255 - pha ma'i mdo
J256 - 'phags pa bden pa bzhi'i mdo