| e-texts navigator |
| བོད་ཡིག |
168b1 ma byas kyang lhar skye ba dang / mi dge ba ma byas kyang ngan song du skye ba yang ma yin no/ /skye ba ni byed pa pos byas pa yang ma yin no/ /de dag ci'i phyir ma yin zhe na kha ton gyi dpe la gang dag gis rnam par shes pa 'di ma 'gags
168b2 par pha rol du skye ba len no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni bdag tu smra ba dag bden na sa bon de rul nas snga ma las gyur te mi 'dra bar gyur pa las myu gu skye'o/ /
168b3 mar me'i dpe la gang gis mar me gcig las gcig sbar na gnyi ga yod pas 'di dang pha rol gnyi gar phung po dus gcig yod do zhes zer ba'i skyon bsal ba'i phyir sgra'i dpe bstan te/ brag ca ni mis ma brjod par sgra mi grag
168b4 ste/ dus gcig tu mi 'byung bas phung po yang dus gcig tu mi 'byung ngo / /me long gi dpe la 'dra ba'i phyir grum po las grum por skye ba dag dgag pa'i phyir me shel gyi dpe bstan te/ me shel las de dang mi 'dra ba'i me 'byung ba'i phyir
168b5 ro/ /rgya'i dpe ni lha tshe 'phos pa lhar skye/ mi tshe 'phos pa mir skye'o zhes zer ba bsal ba'i phyir kha ton gyi dpe bstan te/ 'di'i dpe ni bla ma yin la/ pha rol gyi dpe ni slob ma yin te/ tha dad pas bla ma yang slob ma ma yin/
168b6 slob ma yang bla ma ma yin pa'i phyir ro/ /me shel gyi dpe la mi 'dra ba'i dpe yin te/ dge bas ngan song mi dge bas mtho ris so zhes zer ba bsal ba'i phyir mar me'i dpe bstan te/ mar me las mar me mi 'dra ba mi 'byung gi /
168b7 mar me las mar me 'byung ba bzhin dge bas mtho ris mi dge bas ngan song ni rigs pa'o/ /sa bon gyi dpe la shes pa 'phel zhes zer ba dgag pa'i phyir rgya'i dpe bstan te/ rgya'i ri mo ci 'dra ba de las 'jim pa'i gong bu la yang
168b8 ri mo gzhan mi 'byung ba'i phyir ro/ /skyur gyi dpe las gang dag gis lha'i lo rgyus myong ba dag dge ba ma byas kyang skye ba thams cad du lhar skye/ ngan song gi lo rgyus myong ba dag mi dge ba ma byas kyang skye ba thams cad ngan song du skye'o/
iiif viewer powered by OpenSeadragon
Texts on this page
J248 - tshe 'pho ba ji ltar 'gyur ba zhus pa'i mdo