rKTs

e-texts navigator

Volume

Page

167b₁ dpe'o/ /kha ton ni rnam par shes pa nying mtshams sbyor ba'i dpe'o/ /mar me snga ma ni tshe 'di'i dpe'o/ /phyi ma ni pha rol gyi dpe'o/ /mar me snga ma las phyi ma byung ba yang snga ma yod pa ni rtag pa 'pho ba ma yin pa'i dpe'o/ /phyi ma de
167b₂ snga ma las byung ba rgyu med pa las ma byung ba'i dpe'o/ /me long ni tshe 'di yod pa'i sgo nas phyi ma yang yod la/ dngos po yang mi 'pho zhing pha rol yang yod nges pa'i dpe'o/ /rgya ni 'dir las ci spyad pa 'thun par pha rol du yang skye
167b₃ ba len pa'i dpe'o/ /me shel ni 'gro ba ris mi 'dra ba nas mi 'dra bar skye ba'i dpe'o/ /sa bon ni 'gags nas med par mi 'gyur ba'i dpe'o/ /skyur ni myong ba'i las kyis skye ba len pa'i dpe'o/ /sgra ni rgyu rkyen tshogs nas
167b₄ gnod pa'i rkyen gzhan med na skye ba len te/ gcig pa dang tha dad pa ma yin pa'i dpe'o/ /kye rgyal po chen po dpe brgyad po 'di tshang bar ma smos te/ 'ga' zhig bstan na dbang phyug dang / 'dod rgyal dang / gyi na dang / rgyu med par smra
167b₅ ba dag gis dge sbyong gau ta ma'i dpe 'di dag kha ton gyi dpes ni 'di'i phung po dang rnam par shes pa gnyis ma bral bar pha rol du rnam par shes pa 'pho bar 'gyur zhes smra ba dag dgag pa'i phyir dpe lhag ma rnams bstan to/ /mar
167b₆ me'i dpes ni 'di dang pha rol gnyi gar phung po dus gcig yod do zhes zer ba dag dgag pa'i phyir dpe lhag ma rnams bstan to/ /me long gi dpes ni 'dra ba'i dpe yin pas grum po las grum por skye/ dkar po las dkar por
167b₇ skye'o zhes zer ba dag dgag pa'i phyir dpe lhag ma rnams bstan to/ /rgya'i dpes ni lha 'phos pa lhar skye/ mi 'phos pa mir skye ba la sogs pa nges pa'o zhes zer ba dag dgag pa'i phyir dpe lhag ma rnams bstan to/ /me shel
167b₈ gyi dpes ni mi 'dra ba'i dpe yin pas dge bas ngan song dang mi dge bas mtho ris 'grub bo zhes zer ba dag dgag pa'i phyir dpe lhag ma rnams bstan to/ /sa bon gyi dpes ni shes pa gcig las mang por 'phel lo zhes

_{iiif viewer powered by OpenSeadragon}

167a - 168a

Texts on this page