rKTs

e-texts navigator

Volume

Page

167a₁ kyang ma byas/ 'jig rten pha rol du skye ba yang 'grub pa de rtogs par dka' na 'di la 'thun pa'i dpe mchis sam/ bcom ldan 'das kyis bka' stsal pa/ kye rgyal po chen po 'di la 'thun pa'i dpe brgyad yod do/ /bla mas
167a₂ kha ton brjod pa slob mas shes pa'i dpe dang / mar me las mar me 'byung ba'i dpe dang / me long las gzugs brnyan 'byung ba'i dpe dang / rgya las rgya'i 'bur dang ri mo 'byung ba'i dpe dang / me shel las me 'byung ba'i dpe dang / sa
167a₃ bon las myu gu 'byung ba'i dpe dang / skyur zhes brjod pas 'gram chu ldang ba'i dpe dang / brag cha'i sgra rnams kyi dpes rtogs par bya ste/ kye rgyal po chen po dpe brgyad po 'di dag gis snga ma snga mas ni phyi ma phyi ma rnams 'byung ba yang
167a₄ yod pa ni rtag pa 'pho ba ma yin pa'i dpe'o/ /phyi ma phyi ma ni snga ma snga ma rnams las 'byung bas rgyu med pa las 'byung ba ma yin pa'i dpe dang / chad pa 'gag pa ma yin pa'i dpe'o/ /kye rgyal po chen po gzhan yang dpe 'di dag ni rkyen
167a₅ gsum gsum tshogs pa las 'byung ste/ bla ma dang slob ma de gnyis dbang po rnams tshang ba las kha ton 'byung zhing smra shes pa'o/ /mar dang sdong bu dang snod tshogs pa las mar me 'byung ngo / /nam mkha' dang ba dang / gdong dang me
167a₆ long tshogs pa las gzugs brnyan 'byung ngo / /rgya dang 'jim pa'i gong bu dang skyes bu lag pa'i rtsol ba rnams tshogs pa las 'bur dang ri mo 'byung ngo / /shel dang nyi ma'i 'od dang rtswa shing tshogs pa las me 'byung ngo / /sa bon
167a₇ dang sa gzhi dang rlan pa rnams tshogs pa las myu gu 'byung ngo / /tshwa dang tshwa chu 'thung myong ba dang / skyur zhes brjod pa tshogs pa las 'gram chu ldang ngo / /mis brjod pa'i sgra dang sgra drag po gzhan med pa dang / ri brag rnams tshogs
167a₈ pa las brag ca 'byung ste/ de dag ni sems can skye ba ni byed pa pos ma byas te/ las dang nyon mongs pa'i rgyu rkyen gyis bskyed pa'i dpe'o/ /kye rgyal po chen po gzhan yang bla ma ni tshe 'di'i dpe'o/ /slob ma ni tshe pha rol gyi

_{iiif viewer powered by OpenSeadragon}

166b - 167b

Texts on this page