| e-texts navigator |
| བོད་ཡིག |
166b1 khyer ji snyed pa'i/ /'bras kyi phur ma ma nor mkhyen/ /sems can tshe 'phos pha rol na/ /ji ltar snang ba 'jig rten brdzun/ /bcom ldan 'das kyis gsungs pa mad/ /kun gzigs khyod la phyag 'tshal bstod/ /ces
166b2 bstod nas spobs pa med de mi smra bar 'dug go/ /de nas yab rgyal po chen pos 'di skad ces gsol to/ /bcom ldan 'das sems can gang dag gis mtshams med pa la sogs pa'i las mi dge ba dag bgyis pas
166b3 de'i rnam par smin pa mi bzad pa myong bar 'gyur ba dag gis ji ltar bgyis na bde ba thob par 'gyur ba bshad du gsol/ bcom ldan 'das kyis bka' stsal pa/ kye rgyal po chen po sems can gang dag gis mtshams
166b4 med pa la sogs pa'i las mi dge ba byas pa dag gis sgyu med pa'i sems dang bas rnam par smin pa la yid ches par byas te/ sems thag pa nas bshags na 'byang bar 'gyur ro/ /'chi ba'i tshe mi dge ba sngar byas pa dag la
166b5 'gyod pa bskyed de/ sangs rgyas dang / byang chub sems dpa' thams cad la phyag 'tshal zhing skyabs su gsol na sdig pa 'byang bar 'gyur ro/ /mtho ris su yang skye bar 'gyur ro/ /tshe phyi ma med pa'i 'du shes bskyed par mi bya'o/
166b6 skye ba len pa ni dbang phyug dang / 'dod rgyal dang / gyi na la sogs pa dag gis byed par mi blta'o/ /'jig rten pa'i bde ba dang 'khor ba thams cad la chags par mi bya'o/ /kye rgyal po chen po 'jig rten 'di nas pha rol du 'pho ste/
166b7 skye ba len pa na rtag pa 'pho ba yang ma yin no/ /chad pa 'gags te med pa yang ma yin no/ /rgyu med pa yang ma yin no/ /rgyu med pa las byung ba yang ma yin no/ /byed pa pos byas pa yang ma yin te/ las dang nyon mongs pa'i rgyu
166b8 rkyen tshogs pa las skye bar blta'o/ /rgyal po chen pos gsol pa/ bcom ldan 'das sems can rnams tshe 'phos nas skye ba len pa de de ltar rtag pa yang mi 'pho/ chad pa ya ma lags/ rgyu med pa yang ma lags/ byed pa pos
iiif viewer powered by OpenSeadragon
Texts on this page
J248 - tshe 'pho ba ji ltar 'gyur ba zhus pa'i mdo