rKTs

e-texts navigator

Volume

Page

165b₁ bu'i gling 'dir nyi ma shar ba de khad dang rim gyis shar ba ma yin te/ dus gcig tu gsal bar shar ba bzhin du shes bya thams cad skad cig ma gcig la mkhyen pa'i phyir nga ni rnam pa thams cad mkhyen pa'i ye shes mnga' ba zhes
165b₂ bya'o/ /de skad ces bka' stsal pa la yang lha sbyin yid ma ches nas thams cad mkhyen pa mnga' ba de nyams sad pa'i phyir 'dzam bu gling 'di na shing gi rigs tsan dan dang / blag sha dang / seng ldeng la sogs pa shing tha dad pa
165b₃ brgya stong bye ba dag bcad de/ so sor bsregs nas thal ba'i phur ma byas nas rang gi mi nor bar bya ba'i phyir thal ba la shing gang dang gang gi ming yi ger btags te/ bcom ldan 'das kyi drung du song nas bcom ldan 'das la
165b₄ 'di skad ces gsol to/ /bcom ldan 'das khyod la thams cad mkhyen pa'i ye shes mnga' na/ 'di shing gang gi thal ba 'di shing gang gi thal ba lags zhes thar chags su thal ba'i phur ma thams cad bstan pa las bcom
165b₅ ldan 'das kyis shing gang gi thal ba yin pa ma nor bar 'di ni tsan dan gyi thal ba'o/ /'di ni blag sha'i thal ba'o/ /'di ni seng ldeng gi thal ba'o zhes thal ba'i phur ma thams cad ma nor bar bshad pa las/ lha sbyin bcom
165b₆ ldan 'das la rnam pa thams cad mkhyen pa'i ye shes mnga' bar yid ches par gyur te/ tshe 'phos pa cir 'gyur ba gsungs pa bden par bsams nas/ bcom ldan 'das la 'di skad ces bstod do/ /bcom ldan 'das
165b₇ ni kun mkhyen lags/ /shing mang thal ba'i bye brag rnams/ /ma gzigs ma gsan nges par mkhyen/ /tshe 'phos ci 'gyur gsungs pa nges/ /zhes bstod nas spobs pa med par gyur to/ /de'i tshe shAkya ming chen de na 'dug
165b₈ pas tshe 'phos pa cir 'gyur bka' stsal pa la yid ma ches nas bcom ldan 'das la 'di skad ces gsol to/ /bcom ldan 'das tshe 'phos pa'i sems can rnams cir 'gyur ba gsungs pa de mngon sum du gzigs sam

_{iiif viewer powered by OpenSeadragon}

165a - 166a

Texts on this page