rKTs

e-texts navigator

Volume

Page

165a₁ po smra ba ni lus yod pa'i kha lce la brten nas smra ba lags na tshe 'phos pa'i lus ni 'dir bzhag na sems gzugs med pa de ji ltar smra/ de ste shi ba de la lus yod do zhes zer ba ni skye ba blangs pa yin te/ de la
165a₂ pha ma dgos pas gshin gyi 'jig rten yang med do/ /kyi rgyal po chen po de lta bu'i tshe ma 'phos pa'i mtshan ma dang dan rtags 'jig rten pa gang dag smra ba ni dri za khyab byed ces bya ba'i rigs yod pas byed de/ dper na rlung
165a₃ chen pos thang dang klungs yangs pa dag tu dus gcig tu rlung ldang ba bzhin du 'chi 'pho ba thams cad kyi sems la khyab par byed pa'i rigs dri za bi tsa na zhes bya ba dang / gnod sbyin smra 'dod kyi rigs dang / 'byung po bar hi na ta
165a₄ kun du rtogs 'dod ces bya ba dag gis bsgrubs nas mi ma yin pa de dag gis shi ba des sngon ji ltar gtam byas pa dang / cha lugs kyi dan rtags dag 'jig rten pa dag bslu ba'i phyir ston cing smra ba dag yin no/ /de'i tshe lha sbyin
165a₅ de na 'dug pas bcom ldan 'das kyis de skad ces gsungs pa de la yid ma ches nas bcom ldan 'das la 'di skad ces gsol to/ /gau ta ma sems can tshe 'phos nas cir 'gyur ba'i dan rtags pha rol na yod pa dang med pa
165a₆ bka' stsal pa de gau ta mas thog ma su la gsan/ dus nam gyi tshe mkhyen par mdzad/ gsan pa dang mkhyen par mdzad pa'i grogs po ni su lags/ de skad ces gsol pa dang / bcom ldan 'das kyis bka' stsal pa/ lha sbyin
165a₇ ngas ni rang gi lus btang ba la sogs pa dka' ba mang po dag bskal pa grangs med par spyad de sgrib pa thams cad ni sbyangs/ tshogs chen po yang dag par bsags pas thams cad mkhyen pa'i ye shes thob ste/ 'das pa'i dus
165a₈ na sngon byung ba dang / da ltar gyi dus na phyogs bcu mtha' yas pa na shes bya gang dag ci yod pa dang / ma 'ongs pa'i dus na 'byung bar 'gyur ba'i shes bya thams cad la mi mkhyen par gyur pa gang yang med de/ dper na 'dzam

_{iiif viewer powered by OpenSeadragon}

164b - 165b

Texts on this page