| e-texts navigator |
| བོད་ཡིག |
163a1 po rgyal po chen pos 'di na rta dang glang po che la sogs pa zhon pa dang / 'di na gos gyon pa dang / rgyan thogs pa dang / 'di na zas bza' ba dang / btung ba dang ldan pa rnams tshe 'phos nas pha rol du yang de bzhin du zhon pa
163a2 dang / gyon pa dang / za zhing 'thung ngo zhes 'jig rten pa dag mchi na de de ltar lags sam zhes gsungs pa ni kye rgyal po chen po mi rnams tshe 'phos pa'i tshe las dge sdig gang spyad pa bzhin mtho ris dang ngan song dag tu skye ba len
163a3 te/ rgyal po chen po 'jig rten pa dag mchi ba ltar ma lags so/ /tshe 'phos pa 'di'i cha lugs ltar snang ba ni bar snang gi khams 'di na dri za'i 'jig rten gyi khams dpag tu med pa bsam gyis mi khyab pa mthar thug
163a4 pa med pa de/ /dri za 'chi ka ma'i sems la nye bar 'jug pa zhes bya ba'i rigs yod de/ des dri za'i zas btsal ba'i phyir tshe rabs snga ma'i lus dang / gos dang / rgyan dang cha lugs lta bu dag sprul par byed de/ tshe 'phos pa de'i tshe
163a5 lugs dang gtam dag byed cing sprul pa ston pa yang yod do/ /kye rgyal po chen po 'di la gzhan yang yod de/ dri za las ma gtogs pa gzhan yang gnod sbyin dang / sha za dang / 'byung po la sogs pas tshe 'phos pa'i pha 'am/
163a6 bu 'am/ spun la sogs pa bslu ba'i phyir mi ma yin pa de yis 'jig rten pa'i rdzu 'phrul gyis tshe 'phos pa'i gtan tshigs dang / sa mal dang / lo rgyus dag shes par byas nas mi ma yin pa de'i byin gyis pha ma la sogs
163a7 pas mthong ba dang / rmi lam du 'byung ba yang yod do/ /kye rgyal po chen po 'di la gzhan yang yod de/ spad dang spun la sogs pa yun ring por lhan cig pa'i bag chags rtas pas mthong ba dang rmi lam du snang ba yang yod de/
163a8 dper na mi zhig gis da ltar tshe ma 'phos pa'i rang gi pha ma 'am/ spun zla 'am/ bran khol lam/ gzhan su yang rung ba dag dang 'grogs pa dang / longs spyod kyi bde ba 'am/ dgra rkun dang 'thab rtsod la sogs pa bde
iiif viewer powered by OpenSeadragon
Texts on this page
J248 - tshe 'pho ba ji ltar 'gyur ba zhus pa'i mdo