rKTs

e-texts navigator

Volume

Page

324b₁ gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas
324b₂ dag ni sbyin pas dpag tu med pa dag gi phyir ro/ /tshul khrims kyis dpag tu med pa dag dang / bzod pas dpag tu med pa dag dang / brtson 'grus kyis dpag tu med pa dag dang / bsam gtan gyis
324b₃ dpag tu med pa dag dang / shes rab kyis dpag tu med pa dag dang / rdzu 'phrul gyis dpag tu med pa dag dang / rdzu 'phrul gyi cho 'phrul gyis dpag tu med pa dag dang / kun brjod pas dpag tu med pa dag dang / kun
324b₄ brjod pa'i cho 'phrul gyis dpag tu med pa dag dang / rjes su bstan pas dpag tu med pa dag dang / rjes su bstan pa'i cho 'phrul gyis dpag tu med pa dag dang / stobs bcu dang / mi 'jigs pa bzhi dang / ma 'dres
324b₅ pa'i dran pa nye bar gzhag pa gsum dang / thugs rje chen po dpag tu med pa'i phyir te/ gnas 'jog gi rgyud dag de ltar de bzhin gshegs pa dgra bcom pa yang dag par rdzogs pa'i sangs rgyas rnams ni yon tan
324b₆ dpag tu med pa dang ldan pa dag gi phyir ro/ /seng ge'i sgra chen po dang ldan pa'i chos kyi rnam grangs 'di bshad pa na stong gsum gyi stong chen po'i 'jig rten gyi khams 'di lan gsum du 'gul/ kun tu 'gul/ kun tu
324b₇ rab tu 'gul/ g.yos/ kun tu g.yos/ kun tu rab tu g.yos/ ldeg /kun tu ldeg /kun tu rab tu ldeg /'khrugs/ kun tu 'khrugs/ kun tu rab tu 'khrugs par gyur to/ /de nas 'khor gyi bdag po tshangs pa dang / lha rnams
324b₈ kyi dbang po brgya byin rang gi ris na gnas pa gnyis 'di snyam du sems te/ sangs rgyas bcom ldan 'das 'di ni ku sha'i grong khyer dang nye ba na bzhugs te/ ku sha'i grong khyer nas skyes pa'i gyad rnams rdzu 'phrul chen pos

_{iiif viewer powered by OpenSeadragon}

324a - 325a

Texts on this page