rKTs

e-texts navigator

Volume

Page

321a₁ 'di las srid pa gzhan rab tu mi mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni zag pa dag zad nas zag pa
321a₂ med pa'i sems rnam par grol ba/ shes rab rnam par grol ba/ mthong ba'i chos nyid la bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing nged kyi skye ba
321a₃ ni zad do/ /tshangs par spyod pa ni bsnyen to/ /mdzad pa mdzad do/ /'di las srid pa gzhan rab tu mi mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i
321a₄ sangs rgyas dag ni stobs bcu po de dang ldan pa dag yin zhing khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag pa'i seng ge'i sgra sgrogs par
321a₅ mdzad do/ /gang dag 'das pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad
321a₆ mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus gyis mnyam
321a₇ pa dag ma yin no/ /de nas bcom ldan 'das la ku sha'i grong khyer nas skyes pa gyad rnams kyis 'di skad ces gsol to/ /btsun pa 'o na ci gang stobs de dag las ches stobs dang ldan zhing / gang stobs de
321a₈ dag zil gyis gnon par bgyid pa'i stobs gzhin mchis lags sam/ gnas 'jog gi rgyud dag gang stobs de dag las ches stobs dang ldan zhing / gang stobs de dag zil gyis gnon par byed pa'i stobs gzhan

_{iiif viewer powered by OpenSeadragon}

320b - 321b

Texts on this page