rKTs

e-texts navigator

Volume

Page

320b₁ sems can 'byung ba de dag ni lus kyis nyes par spyod pa dang ldan pa dag dang / ngag dang yid kyis nyes par spyod pa dang ldan pa dag dang / 'phags pa rnams la skur pa 'debs pa dag dang log par lta ba
320b₂ dag yin te/ log par lta ba'i las dang / chos yang dag par len pa'i rgyus de'i rgyu dang / de'i rkyen gyis lus zhig nas shi phan cad ngan song ngan 'gro log par ltung ba'i sems can dmyal ba dag tu skye bar
320b₃ 'gyur ro/ /yang na sems can 'byung ba de dag ni lus kyis legs par spyod pa dang ldan pa dag dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs
320b₄ pa dag dang / yang dag par lta ba dag yin te/ yang dag pa'i lta ba'i las dang / chos yang dag par len pa'i rgyus de'i rgyu dang de'i rkyen gyis lus zhig nas bde 'gro dang / mtho ris kyi 'jig rten du lha
320b₅ rnams kyi nang du skye bar 'gyur ro zhes yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs
320b₆ dgu pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing / 'khor gyi nang du yang dag par seng ge'i sgra sgrogs par mdzad do/ /gnas 'jog
320b₇ gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni zag pa zad pas zag pa med pa'i sems rnam par grol ba/ shes rab rnam par grol ba/
320b₈ mthong ba'i chos nyid bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing nged cag gi skye ba 'di ni zad do/ /tshangs par spyod pa ni bsnyen to/ /mdzad pa mdzad do/

_{iiif viewer powered by OpenSeadragon}

320a - 321a

Texts on this page