rKTs

e-texts navigator

Volume

Page

305a₁ kyang deng shig de bzhin no zhes smras nas ku sha'i grong khyer gyi gyad dag phan tshun gyi ltar nyan te/ de dag so so nas bzhon pa bzang po dag la zhon nas bdag cag ni sa steng 'di na/ ches stobs dang ldan
305a₂ pa'o snyam du rlom sems su byed cing 'ongs pa dang / rigs dang / stobs dang / lus byad dang / dbang phyug gi rgyags pas dregs te/ sgra mthon po dang / sgra chen pos ga zha byed cing ca co byed la/ dga' mgu rangs shing dga'
305a₃ ba dang / bde ba dang / yid bde ba skyes te/ 'byor ba chen po mchog gis ku sha'i grong khyer nas byung nas rta dang / rnga mo dang / ba lang sngon po'i gtso bo dang / khyu mchog dang / glang po che dang / spos kyi glang po che brgya phrag du ma khrid
305a₄ nas rdo chen po yangs pa 'di ga la ba der song ste phyin nas rdo chen po yangs pa de rtsid pa'i thag pa sra bas lan mang du dkris nas/ kha cig gis ni skas bcas te/ rtswa mun dza dang / bal ba dza'i thag pa dang / rtas 'dren pa'i
305a₅ thag pa dag gis tshur 'dren par byed phar 'dren par byed do/ /kha cig ni thong lcags brgyas gzhi nas 'byin par 'dod do/ /kha cig ni dgra sta dag gis gcod par 'dod do/ /kha cig ni rdo rjes gdab pa dag gis phyi
305a₆ mar bya bar 'dod do/ /kha cig ni lus kyi stobs kyis mchu dag bsdams te yongs su bskyod par 'dod do/ /kha cig ni khyu mchog dag dang / ba lang gi gtso bo dag gis bsgyal bar 'dod do/ /kha cig ni ba lang khyu'i stobs
305a₇ kyis rab tu gzhom par 'dod do/ /kha cig ni sman gyi mthus gzhig par 'dod do/ /kha cig ni sngags kyi mthus mi snang bar bya bar 'dod de/ de'i phyir brtson pa dang / drang ba dang / 'bad pa de lta bus de dag gis ci phyogs 'di nas
305a₈ bteg ste/ phyogs gcig cig tu gzhag go snyam pa dang / de dag lus ngal zhing lus dub la lus rgu bas rab tu 'bad pas sgyid lug ste rdo chen po yangs pa de bsgul bar yang ma nus na/ bsgreng pa 'am 'phang bar lta ga la nus/

_{iiif viewer powered by OpenSeadragon}

304b - 305b

Texts on this page