rKTs

e-texts navigator

Volume

Page

274a₁ bcom ldan 'das kyis bka' stsal pa/ rgyal po chen po de lta bas na gzugs gang ci yang rung ba 'das pa dang / ma 'ongs pa 'am/ da ltar byung ba 'am/ nang gi 'am/ phyi rol gyi 'am/ rags pa 'am/ phra ba 'am/
274a₂ bzang po 'am/ ngan pa 'am/ gang rgyang ring ba 'am/ gang thag nye ba de dag thams cad la yang dag pa'i shes rab kyis 'di ni bdag gi ma yin no/ /'di ni bdag ma yin no/ /'di ni bdag gi bdag ma yin no zhes de ltar de dag
274a₃ la yang dag pa ji lta ba bzhin du blta bar bya'o/ /tshor ba dang / 'du shes dang / 'du byed gang ci yang rung ba dag dang / rnam par shes pa gang ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/
274a₄ phyi rol gyi 'am/ rags pa 'am/ phra ba 'am/ bzang po 'am/ ngan pa 'am/ gang rgyang ring ba 'am/ gang thag nye ba de dag thams cad la yang dag pa'i shes rab kyis 'di ni bdag gi ma yin no/ /'di ni bdag ma yin no/ /'di
274a₅ ni bdag gi bdag ma yin no zhes de ltar de dag la yang dag pa ji lta ba bzhin du blta bar bya'o/ /rgyal po chen po de ltar lta ba'i 'phags pa nyan thos thos pa dang ldan pa ni gzugs la yang skyo bar 'gyur/ tshor ba dang / 'du
274a₆ shes dang / 'du byed rnams dang / rnam par shes pa la yang skyo bar 'gyur ro/ /skyo na 'dod chags dang bral bar 'gyur ro/ /'dod chags dang bral na rnam par grol bar 'gyur ro/ /rnam par grol bas bdag ni skye ba zad
274a₇ de/ tshangs par spyod pa bsten to/ /bya ba byas so/ /srid pa 'di las gzhan mi shes so zhes rnam par grol ba shes shing mthong bar 'gyur ro/ /chos kyi rnam grangs 'di bshad pa na yul ma ga d+hA'i rgyal po bzo sbyangs gzugs
274a₈ can snying po dang / lha brgyad khrid dang / yul ma ga d+hA'i bram ze dang / khyim bdag 'bum phrag du ma dag chos rnams la chos kyi mig rdul med cing dri ma dang bral ba skyes so/ /de nas yul ma ga d+hA'i rgyal po bzo sbyangs gzugs can snying pos chos

_{iiif viewer powered by OpenSeadragon}

273b - 274b

Texts on this page