| e-texts navigator |
| བོད་ཡིག |
273b1 pa zad pa/ 'dod chags dang bral ba/ 'gog pa mya ngan las 'das pa'i go 'phang 'di ni zhi ba yin no/ /de nas bcom ldan 'das kyis yang lan gnyis su yul ma ga d+hA'i rgyal po bzo sbyangs gzugs can snying po
273b2 la bka' stsal pa/ rgyal po chen po ji snyam du sems/ gzugs rtag pa zhig gam/ mi rtag pa zhig yin snyam/ rgyal pos gsol pa/ btsun pa de ni mi rtag pa lags so/ /bcom ldan 'das kyis bka'
273b3 stsal pa/ rgyal po chen po gang mi rtag pa de sdug bsngal ba zhig gam/ sdug bsngal ba ma yin/ rgyal pos gsol pa/ btsun pa de ni sdug bsngal ba lags so/ /bcom ldan 'das kyis bka' stsal pa/ rgyal po chen po 'o na
273b4 gang mi rtag pa dang / sdug bsngal ba dang / rnam par 'gyur ba'i chos can de la/ 'phags pa nyan thos thos pa dang ldan pa dag 'di ni bdag gi'o/ /'di ni bdag go/ 'di ni bdag gi bdag go zhes bdag tu khas len par
273b5 byed dam/ rgyal pos gsol pa/ btsun pa mi bgyid lags so/ /bcom ldan 'das kyis bka' stsal pa/ rgyal po chen po de ji snyam du sems/ tshor ba dang / 'du shes dang / 'du byed rnams dang / rnam par shes pa
273b6 rtag pa zhig gam/ mi rtag pa zhig yin snyam 'am/ rgyal pos gsol pa/ btsun pa de ni mi rtag pa lags so/ /bcom ldan 'das kyis bka' stsal pa/ rgyal po chen po gang mi rtag pa de sdug bsngal ba zhig gam/
273b7 sdug bsngal ba ma yin/ rgyal pos gsol pa/ btsun pa de ni sdug bsngal ba lags so/ /bcom ldan 'das kyis bka' stsal pa/ rgyal po chen po 'o na gang mi rtag pa dang / sdug bsngal ba dang / rnam par 'gyur ba'i chos
273b8 can de la 'phags pa nyan thos thos pa dang ldan pa dag / 'di ni bdag gi'o/ /'di ni bdag go/ /'di ni bdag gi bdag go zhes bdag tu khas len par byed dam/ rgyal pos gsol pa/ btsun pa mi bgyid lags so/ /
iiif viewer powered by OpenSeadragon
Texts on this page
J230 - mdo chen po gzugs can snying pos bsu ba zhes bya ba