| e-texts navigator |
| བོད་ཡིག |
272b1 ltung ba sems can dmyal ba rnams kyi nang du skye bar 'gyur ba dang / sems can shes pa dang ldan pa 'di dag ni lus kyis legs par spyod pa dang ldan pa/ ngag dang yid kyis legs par spyod pa dang ldan pa/ 'phags pa
272b2 rnams la skur pa mi 'debs pa/ yang dag par lta ba dag ste/ yang dag par lta ba'i las dang / chos yang dag par blangs pa'i rgyus lus zhig ste shi ba'i 'og tu rgyu de dang / rkyen des bde 'gro mtho ris kyi 'jig rten du lha
272b3 rnams kyi nang du skye bar 'gyur ro zhes sems can rnams las ji lta ba bzhin du nye bar 'gro ba dag kyang yang dag pa ji lta ba bzhin du rab tu mkhyen to/ /dge slong dag ngas de ltar mkhyen cing de ltar gzigs pas na/ nga ni
272b4 gang nam yang byung bar ma gyur pa dang / 'byung bar mi 'gyur ba dang / da ltar yang med pa'ang ma yin zhing / gang de dang de dag tu dge ba dang / sdig pa'i las byas shing byas pa dag gi rnam par smin pa so sor myong bar byed
272b5 pa dang / gang phung po 'di 'dor zhing phung po gzhan dang nying mtshams sbyor ba de chos gyi brda ma gtogs par bdag gam/ sems can nam/ srog gam/ skye ba 'am/ gso ba 'am/ gang zag gam/ shed las
272b6 skyes sam/ shed bu 'am/ byed pa po 'am/ byed du 'jug pa po 'am/ skyed pa po 'am/ kun nas skyed pa po 'am/ slong ba po 'am/ kun nas slong ba po 'am/ smra ba po 'am/ myong ba po 'am/ so sor myong ba
272b7 po yin no zhes mi smra'o/ /de la chos kyi brda ni 'di yin te/ 'di lta ste/ 'di yod pa'i phyir 'di 'byung la/ 'di skyes pa'i phyir 'di skye ba ste/ 'di lta ste/ ma rig pa'i rkyen kyis 'du byed rnams 'du byed rnams kyi
272b8 rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred
iiif viewer powered by OpenSeadragon
Texts on this page
J230 - mdo chen po gzugs can snying pos bsu ba zhes bya ba