rKTs

e-texts navigator

Volume

Page

272a₁ so sor myong bar byed pa dang / gang phung po 'di 'dor zhing phung po gzhan dang nying mtshams sbyor bar 'gyur ba'i bdag gam/ sems can nam srog gam/ skye ba 'am/ gso ba 'am/ gang zag gam/ shed las skyes
272a₂ sam/ shed bu 'am/ byed pa po 'am/ byed du 'jug pa po 'am/ skyed pa po 'am/ kun nas skyed pa po 'am/ slong ba po 'am/ kun nas slong ba po 'am/ smra ba po 'am/ myong ba po 'am/ so sor myong ba po de gang zhig yin snyam mo/ /
272a₃ de nas bcom ldan 'das kyis yul ma ga d+hA'i bram ze dang / khyim bdag rnams kyi sems thugs kyis mkhyen nas dge slong rnams la bka' stsal pa/ dge slong dag byis pa so so'i skye bo thos pa dang mi ldan pa ni bdag
272a₄ bdag ces tha snyad 'dogs pa'i rjes su lhung ste/ de la ni bdag gam bdag gir bya ba med do/ /dge slong dag sdug bsngal 'di skye ba ni skye la/ sdug bsngal 'gags pa ni 'gag go/ /'du byed rnams skye ba ni skye la/ 'du byed rnams
272a₅ 'gag pa ni 'gag ste/ rgyu de dag dang / rkyen de dag la brten nas sems can rnams kyi 'du byed kyi rgyun 'byung bar 'gyur te/ dge slong dag de bzhin gshegs pa ni 'du byed kyi rgyun nying mtshams sbyor bar thugs su chud nas sems
272a₆ can rnams kyi 'chi 'pho dang / skye ba 'dogs par mdzad do/ /dge slong dag ngas lha'i spyan rnam par dag pa mi'i las shin du 'das pas sems can 'chi 'pho ba dag dang / skye ba dag dang / mdog bzang ba dag dang / mdog ngan pa dag
272a₇ dang / ngan pa dag dang / bzang po dag dang / bde 'gror 'gro ba dag dang / ngan 'gror 'gro ba dag kyang gzigs la/ sems can shes pa dang ldan pa 'di dag ni lus kyis nyes par spyod pa dang ldan pa/ ngag dang yid kyis nyes par spyod
272a₈ pa dang ldan pa/ 'phags pa rnams la skur pa 'debs pa/ log par lta ba dag ste/ log par lta ba'i las dang / chos yang dag par blangs pa'i rgyus lus zhig ste shi ba'i 'og tu rgyu de dang rkyen des ngan song ngan 'gro log par

_{iiif viewer powered by OpenSeadragon}

271b - 272b

Texts on this page