rKTs

e-texts navigator

Volume

Page

270a₁ 'das kyis yul ma ga d+hA'i bram ze dang / khyim bdag rnams kyi sems thugs kyis mkhyen nas tshe dang ldan pa lteng rgyas 'od srung la tshigs su bcad pa'i dbyangs kyis dri ba dris pa/ lteng rgyas gnas pas 'di
270a₂ la ci mthong na/ /khyod kyis me spangs brtul zhugs kho na spyod/ /khyod kyis ji ltar me'i sbyin sreg spangs/ /'od srung de yi don ni nga la smros/ /tshe dang ldan pa lteng rgyas 'od srung gis gsol pa/ 'di na kha cig zas dang
270a₃ skom dag dang / /ro dang 'dod pa bud med rjod bgyid pa/ /rdzas byung de dag dri mar rab mthong bas/ /de slad mchod sbyin sreg la bdag mi dga'/ /bcom ldan 'das kyis bka' stsal pa/ gal te khyod ni 'dod dang zas skom
270a₄ dang / /de bzhin ro rnams dag la yid dgar mi bde na/ /ji ltar lha mi'i 'jig rten dag la khyod kyi yid/ /dga' bar byed pa dris pa 'od srung smros/ /tshe dang ldan pa lteng rgyas 'od srung gis gsol pa/ go 'phang zhi mchog phung
270a₅ po ma mchis shing / /ci yang ma mchis 'dod srid ma chags la/ /mi 'gyur gzhan gyis mi dkri mthong lags pas/ /de slad mchod sbyin sreg la bdag mi dga'/ /mi nyams go 'phang dam pa ma mthong tshe/ /mchod
270a₆ sbyin brtul zhugs rnams kyang zhugs kyis kyang / /grol bar 'gyur zhes bdag yid rmongs gyur cing / /ldongs shing skye shi'i rjes su zhugs par gyur/ /gau tam skye mang don du rnam 'dren pa/ /thub pa bden pa'i rtsal
270a₇ mnga' khyod byung zhing / /gtso mchog skyob pas legs bshad da ltar ni/ /go 'phang 'dus ma bgyis de bdag gis mthong / /bcom ldan 'das kyis bka' stsal pa/ rab tu rnam par phye ba'i chos rnams las/ /dam
270a₈ pa gang yin de ni rtogs gyur pa/ /de ni khyod kyis nyes bsams ma yin te/ /khyod kyis nges pa legs par rtogs pa yin/ /'od srung 'khor rnams skyo ba ma skyed cig /de nas tshe dang ldan pa lteng rgyas 'od srung bcom

_{iiif viewer powered by OpenSeadragon}

269b - 270b

Texts on this page