| e-texts navigator |
| བོད་ཡིག |
269b1 btsun pa bdag ni yul ma ga d+hA'i rgyal po bzo sbyangs gzugs can snying po lags so/ /btsun pa bdag ni yul ma ga d+hA'i rgyal po bzo sbyangs gzugs can snying po lags so/ /rgyal po lags so zhes lan
269b2 gsum gyi bar du rang gi ming rjes su sgrogs so/ /bcom ldan 'das kyis bka' stsal pa/ rgyal po chen po de de bzhin no/ /de de bzhin te/ rgyal po chen po khyod ni yul ma ga d+hA'i rgyal po bzo sbyangs gzugs can
269b3 snying po yin no/ /rgyal po chen po khyod ni yul ma ga d+hA'i rgyal po bzo sbyangs gzugs can snying po yin no/ /rgyal po yin no/ /rgyal po chen po khyod rang gi stan gang yin pa la 'dug shig /de nas yul ma ga
269b4 d+hA'i rgyal po bzo sbyangs gzugs can snying pos bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /yul ma ga d+hA'i bram ze dang / khyim bdag kha cig gis ni bcom ldan 'das
269b5 kyi zhabs la mgo bos phyag 'tshal te phyogs gcig tu 'khod do/ /kha cig gis ni bcom ldan 'das la mngon sum du phan tshun kun dga' bar 'gyur ba dang / yang dag par dga' bar 'gyur ba'i gtam sna tshogs
269b6 dag gsol te phyogs gcig tu 'khod do/ /kha cig gis ni bcom ldan 'das ga la ba de logs su thal mo sbyar ba btud de phyogs gcig tu 'khod do/ /kha cig gis ni rgyang ring po kho na nas bcom ldan 'das mthong
269b7 nas cang mi smra bar phyogs gcig tu 'khod do/ /de'i tshe na ral pa can tshe dang ldan pa lteng rgyas 'od srung 'khor de nyid du 'dus te 'dug par gyur to/ /de nas yul ma ga d+hA'i bram ze dang / khyim bdag rnams 'di snyam du sems
269b8 te ci dge sbyong chen po ral pa can lteng rgyas 'od srung gi drung na tshangs par spyad pa spyod dam/ 'on te ral pa can lteng rgyas 'od srung nyid dge sbyong chen po'i spyan sngar tshangs par spyad pa spyod do snyam mo/ /de nas bcom ldan
iiif viewer powered by OpenSeadragon
Texts on this page
J230 - mdo chen po gzugs can snying pos bsu ba zhes bya ba