| e-texts navigator |
| བོད་ཡིག |
249a1 pa'i sgra dang / ro dang gzugs dang / dri dang / reg bya rnams kyis kyang phrogs par mi 'gyur ro/ /de ltar nA la ti'i grong gi bram ze dang khyim bdag rnams dang / lus dran pa nye bar gzhag pa la mngon
249a2 par brtson pa'i dge slong rnams kyang bdud kyi drung na rab tu mi gnas so/ /de ltar lus dran pa nye bar gzhag pa thos par gyur pas kyang rab tu mang po rnams kyis 'jig tshogs la lta ba'i mig sprin phug nas
249a3 bla na med pa'i chos rnams la chos kyi mig skyes par gyur to/ /dge slong dag ngas ji skad du lus dran pa nye bar gzhag pa bstan par bya'o zhes brjod pa la bshad pa ni de dag rnams yin no/ /dge slong dag de
249a4 dag rnams ri dang / ri'i khrod dang / ri'i phug dang / dur khrod dang / bla gab med pa dang rnams su rtswa sogs gi phung po la bsam gtan du gyis shig /bag med pas gnas par ma byed cig /phyi nas 'chi
249a5 ba'i dus na 'gyod par 'gyur ba ma byed dang / 'di ni khyed rnams la rjes su gdams pa yin no/ /bcom ldan 'das kyis de skad ces bka' stsal pa la/ dge slong de dag rnams kyang yi rangs te/ bcom
249a6 ldan 'das kyis gsungs pa la mngon par bstod do/ /lus dran pa nye bar gzhag pa'o/ /stong phrag sum bcu rtsa drug pa 'phags pa dam pa'i chos dran pa nye bar gzhag pa zhes bya ba theg pa
249a7 chen po'i mdo rdzogs so/ / //chos rnams thams cad rgyu las byung / /rgyu de de bzhin gshegs pas gsungs/ /de yi 'gog pa gang yin pa/ /dge sbyong chen pos de skad gsungs/ /nye bar
249a8 m kho ba thams cad legs par skrun pa la sogs pa phun sum tshogs pa'i dngos po mtha' dag dang ldan pa sa gzhi'i yon tan dang rig pa'i gnas mtha' dag gi 'byung gnas su gyur pa sbyang zhing sgrin la
iiif viewer powered by OpenSeadragon
Texts on this page
J228 - 'phags pa dam pa'i chos dran pa nye bar gzhag pa