| e-texts navigator |
| བོད་ཡིག |
248b1 dag gis rab tu gsal bar byed do/ /rgya mtsho yang ri de'i logs de nas dpag tshad stong phrag brgyad bcu rtsa bzhi yin pa las de'i phyed ni rab tu gsal bar byed do/ /phyed ni mchog tu 'jigs par gyur pa'i mun pas
248b2 kun du khyab par gyur to/ /pha rol na ni khor yug tu bye ba phrag sum bcu rtsa drug du gyur pa'i shin du bzod par dka' ba'i las kyi me'i rdo rje'i rang bzhin rab tu 'bar bar gyur pa 'khor lo khyud mo zhes bya ba'i ri
248b3 yod pa gang la rgya mtsho'i chu ring bar gyur na ni 'o mar 'gyur ro/ /de ji srid du nye bar gyur pas ni de dag zhor 'gyur ro/ /zho yang mar sar nyid du 'gyur ro/ /ji srid du kun nas rig par gyur pas ni mar 'di yang
248b4 zhu ba'i mar du 'gyur ro/ /mar zhu ba de dag dmyal ba'i me de dag rnams kyis 'tshig par byed do/ /de bzhin du chus kyang sa gzhi 'di nub par byed do/ /de kho na bzhin du 'dod pa'i khams 'di yang yin te/ rnal
248b5 'byor spyod pa pa 'dis yang dag pa ji lta ba bzhin du rig par 'gyur ro/ /rnal 'byor spyod pa pa des yang dag pa ji lta ba bzhin du shes shing mthong la/ yongs su chub par byed pa'i blos kyang gang zhig rtag pa 'am/
248b6 brtan pa 'am/ ther zug du gyur pa 'am/ yongs su mi 'gyur ba'i chos can du gyur pa 'am/ gang la yang bdag cag rnams thog ma dang tha ma med pa'i 'khor ba rnams su las kyi 'bras bu'i bgo
248b7 skal la spyod pa dang / rang gi las kyi 'bras bus mnar ba dang / lan brgya phrag dang de nas stong phrag rnams su yang shi 'phos pa dang / skyes par ma gyur pa'i gnas gcig dang yang ldan pa'i ni des gcig
248b8 kyang ma mthong ngo / /yang dag pa ji lta ba bzhin du rtag par rgyun du nang dang gzhan dang / nang dang phyi'i lus rnams la yang lta bar byed pas ni lus la kun du chags par mi 'gyur ro/ /sdug par gyur
iiif viewer powered by OpenSeadragon
Texts on this page
J228 - 'phags pa dam pa'i chos dran pa nye bar gzhag pa