| e-texts navigator |
| བོད་ཡིག |
7b1 gshegs pa dgra bcom pa yang dag par rdzogs pa'i sangs rgyas rjes spyod ces bya ba da ltar bzhugs te 'tsho zhing gzhes so/ /gzhon nu khyod gang gi tshe bya ba 'ga' zhig gi phyir shar phyogs su 'gro na/ de'i tshe khyod kyis de
7b2 bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing song na khyod la 'jigs pa 'byung bar mi 'gyur ro/ /de'i tshe ma g.yengs par de yid la byas na khyod bya ba gang
7b3 gi phyir 'gro ba'i bya ba de 'grub par 'gyur ro/ /de nas bcom ldan 'das kyis de'i tshe tshigs su bcad pa 'di bka' stsal to/ /rdzogs pa'i sangs rgyas thub pa che/ /rje la rab tu phyag 'tshal te/ /rtag tu de ni mngon byed
7b4 cing / /'gro na khyod la 'jigs mi 'byung / /gzhon nu lho phyogs logs su sangs rgyas kyi zhing 'di nas sangs rgyas kyi zhing dgu khri 'das pa na/ 'jig rten gyi khams mun pa dang mun nag gi tshogs bcom zhes bya ba
7b5 zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas sems dang po bskyed pa yid la mdzad pa rnam grangs bsnyengs pa dang bag tsha ba dang bral bas mngon par 'phags pa'i rgyal po zhes bya ba
7b6 da ltar bzhugs te 'tsho zhing gzhes so/ /gzhon nu khyod gang gi tshe bya ba 'ga' zhig gi phyir lho phyogs su 'gro na/ de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi
7b7 rgyun gyis de mngon du byed cing / khyim la sogs pa'i yid la byed pa dang bral ba rnam par ma g.yengs pa yid la byed pas song na/ khyod bya ba gang gi phyir 'gro ba'i bya ba de 'grub par 'gyur zhing / khyod la 'jigs pa gang nas
7b8 kyang 'byung bar mi 'gyur ro/ /de nas bcom ldan 'das kyis de'i tshe tshigs su bcad pa 'di bka' stsal to/ /khyim gyi bsam pa rnams dang ni/ /kun nas ldang ba kun bral zhing / /lho phyogs su ni 'gro ba na/ /khyod la 'jigs pa
iiif viewer powered by OpenSeadragon
Texts on this page
J210 - 'phags pa phyogs bcu'i mun pa rnam par sel ba zhes bya ba theg pa chen po'i mdo