rKTs

e-texts navigator

Volume

Page

77b₁ 'dul ba 'dul ba ma yin par bstan pa 'am/ lam ma yin pa lam du bstan pa 'am/ lam lam ma yin par bstan pa 'am/ sgrib pa gang gis bsgribs nas bdag mi dge ba'i chos mngon du 'gyur zhing dge ba'i phyogs la
77b₂ sems yang dag par mi gnas pa 'am/ sgrib pa gzhan gyis bsgribs nas blo g.yeng bar 'gyur ba 'am/ sems g.yeng bar 'gyur ba'i nongs pa gang lags pa de dag thams cad nongs pa bshags par bgyi'o/ /
77b₃ ji ltar byis pa/ ji ltar blun pa/ ji ltar mi gsal ba/ ji ltar mi mkhas pa/ ji ltar 'chal pa'i shes rab kyi rang bzhin can de ltar nongs pa nongs par bshags par bgyi'o/ /nongs pa nongs par bshags nas phyis
77b₄ sdom pa blangs shing yang de ltar mi bgyi ste/ de ltar lan gnyis de ltar lan gsum du'o/ /yang sangs rgyas bcom ldan 'das de dag bdag la dgongs su gsol/ gang sangs rgyas thams cad sngon byang chub sems dpar
77b₅ gyur pa rnams kyis pha rol tu phyin pa drug yongs su rdzogs par mdzad pa 'di lta ste/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyis bla na med pa yang dag par
77b₆ rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor/ chos kyi dung kun nas bus/ chos kyi rnga rab tu brdungs/ chos kyi sgron ma 'bar bar mdzad/ chos dang 'thun par
77b₇ chos sgrub pa dag la sems can gyi khams rab tu btsud/ dam pa'i chos kyi tshul rab tu bstan cing dge ba'i rtsa ba gang gis rang sangs rgyas rnams rang sangs rgyas nyid rtogs par 'gyur ba dang / dge ba'i rtsa ba gang
77b₈ gis nyan thos rnams nyan thos nyid rtogs par 'gyur zhing rig pa gsum dang / mngon par shes pa drug rtogs par 'gyur ba dang / so so yang dag par rig pa mngon du 'gyur zhing bsam gtan dang / rnam par

_{iiif viewer powered by OpenSeadragon}

77a - 78a

Texts on this page