rKTs

e-texts navigator

Volume

Page

61a₁ j i ltar sangs rgyas bcom ldan 'das bdag gis sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus sgrib par 'gyur ba'i las bshags par bgyi ba de bzhin du ci nas
61a₂ kyang bdag gis bshags pas legs par bshags par 'gyur ba dang / yongs su dag par 'gyur ba dang / 'od gsal bar 'gyur ba dang / kha na ma tho ba ma mchis par 'gyur ba dang / gsal bar 'gyur ba dang / dug ma mchis par 'gyur
61a₃ ba dang / sgrib pa ma mchis par 'gyur ba dang / bar du gcod pa ma mchis par 'gyur ba dang / yon tan gyi chos thams cad sgrub par 'gyur ba de lta bur sgrib par 'gyur ba'i las kyi nyes pa thams cad 'chags so/ /ji ltar bdag gi don du
61a₄ b shags pa de bzhin du 'jig rten gyi khams rab 'byam ma lus pa thams cad na sems can ji tsam sems can gyi ris na mchis pa sems can gyi khams de dag thams cad kyi ched tu yang sgrib par 'gyur ba'i las kyi nyes pa
61a₅ 'chags so/ /de ltar bdag gi las kyi nyes pa sgrib par 'gyur ba thams cad so sor bshags nas sgrib pa ma mchis pa rnam par dag pa'i dkyil 'khor la gnas te/ 'gro ba thams cad kyi dge ba'i rtsa ba la rjes su yi rang ngo / /
61a₆ dge ba'i rtsa ba'i tshogs kyi khyad par gang gis ngan song dbul po yi dags kyi mi khom par mchi ba thams cad rnam par bzlog pa de la yang rjes su yi rang ngo / /sems la gnod pa ma mchis shing 'od gsal ba/ dge ba'i rtsa
61a₇ ba'i tshogs kyi khyad par gang gis ngan song dud 'gro'i skye gnas kyi mi khom par mchi ba thams cad rnam par bzlog pa de la yang rjes su yi rang ngo / /dge ba'i rtsa ba'i tshogs kyi khyad par gang gis sems can dmyal ba'i mi
61a₈ khom par mchi ba thams cad rnam par bzlog pa de la yang rjes su yi rang ngo / /bzang po'i gnas dge ba'i rtsa ba'i tshogs kyi khyad par gang gis lha dang mir skye ba thams cad yongs su 'dzin pa de la yang rjes su yi rang ngo / /

_{iiif viewer powered by OpenSeadragon}

60b - 61b

Texts on this page