rKTs

e-texts navigator

Volume

Page

58a₁ sangs rgyas bcom ldan 'das de dag la phyag 'tshal lo/ /bstod do/ /bkur ro/ /bsngags so/ /rab tu bsngags so/ /'dud do/ /rab tu 'dud do/ /phyag bgyi'o/ /gzhol lo/ /blta'o/ /brtag go/ /dmigs pa
58a₂ dpag tu ma mchis pa dang ldan pa'i me tog dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / mar me dang / bkod pa dang / lhab lhub dang / mchod rten rtsig pa dang /
58a₃ sku gzugs bgyi ba dang / rin po che dang / rgyan dang / bzhon pa dang / 'chag sa dang / gtsug lag khang dang / yo byad thams cad bkod pa rnam par dag pa rgya chen po 'di dag gis kyang de bzhin gshegs pa de dag la sti stang du bgyi'o/ /
58a₄ btsun par bgyi'o/ /ri mor bgyi'o/ /mchod do/ /gsol lo/ /rim gror bgyi'o/ /mchod pa mos pa'i stobs las nges par byung ba/ khams gsum pa las shin du 'das pa/ nyon mongs pa ma mchis pa'i chos las byung ba/
58a₅ mngon par 'du bgyid pa ma mchis pa'i phyag rgyas btab pa/ ye shes sgyu ma las shin du yongs su grub pa/ las sgyu ma las shin du rnam par phye ba/ gnas thams cad las shin du spags pa/ 'jig rten sgyu ma las byung
58a₆ ba/ ngo bo nyid kyi chos dang 'brel ba/ yang dag par rdzogs pa'i sangs rgyas kyis bka' stsal pa'i mchod pas de bzhin gshegs pa de dag la bsti stang du bgyi'o/ /btsun par bgyi'o/ /ri mor bgyi'o/ /mchod do/ /gsol lo/ /
58a₇ rim gror bgyi'o/ /gong du yang byang chub sems dpa' de bzhin gshegs pa'i rgyud bsab par 'tshal ba/ sems can gyi rgyud yongs su smin par bgyid par 'tshal ba/ zhing gi rgyud rnam par sbyong bar 'tshal ba/ las
58a₈ kyi rgyud dang mi 'gal bar 'tshal ba/ chos kyi rgyud rab tu rnam par 'byed par 'tshal ba/ dus gsum gyi rgyud yongs su rtogs par 'tshal ba/ phyogs kyi rgyud la rab tu 'jug par 'tshal ba/ 'dod chags ma

_{iiif viewer powered by OpenSeadragon}

57b - 58b

Texts on this page